uMthunywa
KUBOTSHWE indoda yeNkothaneni, eMargate, ebanjwe ithengisela “inyanga” izitho zomuntu ezonyisiwe.
Indoda (34), ebisebenzisa izibongo ezimbili, kuthiwa itshele inyanga yayo yeManguzi ukuthi ithengisa izitho zomuntu.
Inyanga le kubikwa yabikelwa yindoda le kumaviki edluleyo ukuthi ilezitho zomuntu ezithengisayo kodwa yathi kayizisebenzisi nxa ilungisa imithi yayo.
Ngemva kwensukwana indoda le yabuyela enyangeni yayo isiyakwelatsha yaphinda yabika indaba yokuthi ithengisa izitho zabantu. Ngalesosikhathi yacela inyanga yayo ukuthi iyithengisele izitho zayo kwezinye inyanga.
Ngokuthola kwentatheli kukhanya inyanga le yabikela amapholisa ngodaba kwasekubotshwa icebo lokuthi elinye lamapholisa lizenze inyanga edinga lezi zitho.
NgeSonto eledluleyo indoda le kuthiwa yetheleka lamakhosikazi ayo amathathu enyangeni izokwelatshwa.
Inyanga iyitshele ukuthi isiyitholele ikhasimende eliyinyanga (ipholisa ebelizenza inyanga) elizidingayo izitho. Basebevumelana ukuthi inyanga iqale izibone izitho ibisizithenga.
Inyanga engumxhumanisi inikele ngetekisi lomtshayeli wayo ukuthi kuhanjwe ngayo kuyiwe emzini wendoda eMargate.
Umthombo weSolezwe uthe izicubu bekuthiwa ezentombi nto esencane.
“Ngemva kokuthi seziboniwe izicubu emzini wendoda le, kubuyelwe edolobheni eMargate lapho obekumele kuyokhitshwa khona imali,” kutsho umthombo.
Indoda kuthiwa ibithi izitho izithengisa ngeR70 000 kodwa “inyanga” yakhala ngokuthi ngeke ikwazi ukubhadala leyomali ngoba kulesandla esisodwa, inyawo azikho kanti lomgogodla ubungasaphelelanga.
Kwacina kuvunyelwane iR40 000. Kuthiwa indoda itshele amapholisa ngesikhathi isibotshwa ukuthi layo iyinyanga iyelapha futhi iyaziwa. — Ubulembu
