Kubizwa ingcitshi zeCastle Lager

Kubizwa ingcitshi zeCastle Lager

0 84
uKevin Moyo

Nkosilathi Sibanda
NGOLWESIHLANU ntambama kuvulwa incwadi ephawula amabizo abadlali abathathu abenze kuhle kusizini yeCastle Lager.

Kubadlali laba angeke kuswelakale ibizo likaRodwell Chinyengetere okukhangelelwe ukuthi asiphakamise isicoco esikhulu. Lumdlali uzaphakama encedisana labanye bakhe kuFC Platinum uKevin Moyo, uFarai Madhananga kumbe ingcitshi yeTriangle uLameck Nhamo.

Luzatshaya lwedlule uvalo phezulu kwabadlali laba mhla womkhosi wokubonga abadlali bonke abangene kukhalenda yesizini ye-Castle Lager.

Umkhosi wenjabulo lo wenziwa ngemva kweviki kuvotelwe abadlali abalitshumi lanye. Kuqula labavotelwayo kwakhethwa uGodknows Murwira, Michael Charamba (Ngezi Platinum), Rodwell Chinyengetere, Kevin Moyo, Farai Madhanhanga (FC Platinum), Joel Ngodzo, Phineas Bamusi (Caps United), Innocent Mucheneka (Chicken Inn), Lameck Nhamo (Triangle United), David Temwanjira (ZPC Kariba) loAriel Thulani Sibanda (Highlanders).

Iqula labakhethileyo beligoqela intatheli zihlangene labaqeqetshi labokaputeni bamathimu wonke akuPSL.

Incwadi elamabizo abadlali abathathu abaphezulu kwabanye kubikwa ivalwe ngci, njalo izavulwa phambi kwenkundla ezakuthi gwaqa esigodlweni ntambama.

Inkundla yomkhosi lo izaphinda njalo ukubika umqeqetshi kuzwa kuleli. Ngaphandle kukaNorman Mapeza oweFC Platinum, akula omunye ongancintisa eduzane.

UMapeza uthwale inkezo yeligi okwesibili amasizini elandelana. Uphinde wabayintshantshu yeCastle Challenge Cup futhi ngemva kokuba iFC Platinum inqobe iTriangle nge 2-0.

UMapeza wenelisa ukuvusa iFC Platinum kuhlandla lakuqala wayilolonga yaze yaqeda iyintshantshu.

SIMILAR ARTICLES

0 73

NO COMMENTS

Leave a Reply