IZimbabwe iyehluleka eLondon

10 Aug, 2017 - 16:08 0 Views
IZimbabwe iyehluleka eLondon

uMthunywa

Yintatheli kaMthunywa
IQEMBU labagijimela isizwe seZimbabwe kumdlalo we-IAAF World Championships lilakho ukuphenduka lingela lutho ngoba lisalela emuva kuyo yonke imncintiswano.

Imidlalo le iqhutshwa edolobheni le-London.

Abajima imango emide kwehlule ukuthi bathole indawo ebigcinelwe abamangatshumi amabili abazagijima kumjaho wokudinga igolide. UPardon Ndlovu obethenjiwe uphutshe esemuva, edonsa inyawo. Labanye abakuleli uMillen Matende, Cuthberth Nyasango, Rutendo Nyahora loFortunate Chidzivo baqede besemsileni.

Kusenjalo umgijimi weSouth Africa uCaster Semenya ulethuba lokuqhubeka ngokuzifaka ezinhliziyweni zabathandi bezokugijima nxa eseyibambile kumjaho we-800ku-IAAF World Championship.

Umgijimi lo owaziwa ngokucela ezinyaweni ku-800m kuma-Olympics, uzibekisele indawo ku-1500m ngoMgqibelo kulimidlalo ebanjelwe e-Olympic Stadium, eLondon.

Leli libanga aqala ukuligijima ezingeni lomhlaba kanti kulezintokazi zakho ezikhonyayo, uSifan Hassan waseNetherlands, uFaith Kipyegon waseKenya loGinzebe Dibaba wase-Ethiopia.

Emjahweni yokuhlunga, uSemenya ubonakale ezihambela kalula. Lokho abaqeqetshi bakhe babika ukuba kumele akuntshintshe igiya nxa efuna ukunqoba njengoba abanye agijima labo balezikhathi ezingaphansi kwesakhe ngemizuzu emithathu. Esakhe  esihle aseke asigijima kuleli singu-4.01.99.

Nxa engakwazi ukuthola indondo, uSemenya  uzabe eseyehlise isibalo semiklomelo kulizwe leSouth Africa ngemuva kokuthi uLuvo Manyonga ethole igolide ku-long jump ngoMgqibelo ebusuku kwathi uRuswahl Samaai wathola ithusi.

Ngo-2015 kumidllalo efanayo, iSouth Africa yathola indondo ezintathu kuphela kanti kulokhu ilethuba lokukhweza inani leli.

UCarnina Horn oyibamba ku-100m laye ulomjaho onzima omlindileyo kuliviki. Ukudlula kwakhe lapha kuzomfaka endaweni enhle kumjaho wokucina edinga igolide.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds