Izicoco zithontela koByo kuZHHA!

Izicoco zithontela koByo kuZHHA!

0 308
UAsaph

Vusumuzi Ndlovu

IVIKI edluleyo libe ligcwele ngento ezinengi ebezisenzakala ezimaqondana lomculo, eyinye  yazo bekuyizicoco zeZim Hip Hop Awards ezenzelwe  ePabloz VIP eHarare. UBulawayo lezinye izigodlo zelizwe bezilabameli bazo kunhlangothi  ezehlukeneyo zalawo ma-awards.

Ubusuku bebukhanya ukuba buzakuba bude kumajaha uAsaph loTakura weHarare abakhethwe kunhlangothi ezidlula isithupha lonyaka. U-Asaph ubuthe izicoco ezintathu, ezibalisela iBest Collaboration, Best Video, leSong of the Year. Lezi zicoco ngezomsebenzi wengoma yakhe edle ubhedu lonyaka uMambo. 

Umqondisi walingoma uRayo Beats laye uthole isicoco sikaBest Producer. Lingoma  idume okumangazayo yakhokhela ezilinganisweni zemisakazweni ehlukeneyo jikelele, kugoqela iZiFM lapho eyahlala khona amaviki adlula amahlanu  ihlezi  kumqhele we-Top40.

UNaboth Rizla unqobe isicoco sokuthuthukisa ihip-hop jikelele elizweni  lonke  ngomsebenzi wakhe. Uyasakazela  ebulenjini  kuZANJ Radio yeJamaica, wenza amaDVG Rap Battles, uhlelo lwakhe lweTV iHip hop 263 njalo ulempahla zeGrapeVine Clothing. Ujaha  lo usesebenzele  lumculo ngendlela ezimangalisayo njalo kapheli moya. Omunye obekhethiwe kulesisicoco nguThorme Laroq weRapLab, esakaza ese Khulumani FM.

UYung Tyran unqobe isicoco seBest Diaspora. Esebenza eseMzansi lonyaka, uThamsanqa Silanda wenelise ukuba ingoma zakhe zisakazwe kuSABC. Uphinde wathola ithuba lokucula ingoma zakhe kuLive Amp, uhlelo oludumileyo lwe SABC1, lapho adibana khona lezinkulu ezifana lo AKA, Boity Thulo  loNasty C enkundleni  yinye. Lonyaka usungule idlalade lakhe uGolden Child, okuyilo alisebenzela gadalala, usekhiphe amavidiyo amane  kulelo dlalade.

Abanye abathole izicoco babalisela uPD tha Ghost loLady K abe Tha Fixx yeZiFM, uMariachi, loDj RayDizz othole isicoco esikaBest Club DJ, esasinqotshwe nguDJ Kead Wikead ngomnyaka odluleyo. Abanye abanqobileyo izicoco babalisela iqembu lokugida  iAntiVirus, lomqomdisi wamavidiyo uMarcus Khumalo ngomsebenzi kamabonakude kaMambo.

UMarcus uphelelwe ngamazwi esizwa ukuba unqobile, wezwa ubuhlungu ukuba ubehlulekile ukuya khona aye zilandela isicoco sakhe. UFish F. McSwagg uzwakale laye elokuthokoza ngokunqoba, ekhumbula umsebenzi abawufake loTha Dawg kulingoma ekhethwe ukuba ngeyalonyaka eyeZHHA 2018.

SIMILAR ARTICLES

0 15

0 20

NO COMMENTS

Leave a Reply