IZero Suppliers ihamba phambili kwezemidlalo

25 Jan, 2018 - 00:01 0 Views
IZero Suppliers ihamba phambili kwezemidlalo Clemence Kunzekweguta

uMthunywa

YiNtatheli kaMthunywa
ABANTWANA besikolo abaphatheka kumncintiswano wokugijima sebetshelwe ukuba bancintise ngokukhululeka ngoba inkampani yeZero Suppliers ikhona ngosekelo olwengeziweyo lonyaka.

Inkampani yeZero Suppliers ibatshazwa kakhulu ngokusekela imidlalo yokugijima ezikolo zemfundo yaphansi ezabelweni zakoBulawayo, eMatabeleland North laseMatabeleland South.

Kulandela ukuthola usekelo okweminyaka engamatshumi amabili, imincintiswano yokugijima kulezi izabelo isihwatshe intshantshu ezilesiqubu esimangalisayo. Inengi labafundi laba selibonakale ligijimela isizwe.

Lonyaka inkampani le ibika ukuba izimisele ukuthi iqinise ubudlelwano bayo lenhlanganiso yabaphathisikolo eyeNaph.

Usahoho weZero Suppliers uClemence Kunzekweguta welule ukuba izikolo kanye labantwana abagijimayo abakhululeke bangene kumncintiswano lo ngoba inkampani yakhe izasekela ngakho konke okufunekayo.

Inkampani le ngeyokuqala ukutsho ukuba izaqhubekela phambili isekela umdlalo wokugijima ezikolo.

“Siyajabula ngokuthi isizini yomdlalo wokugijima isifikile. Sijabuliswa yikuthi sincedisa lezikolo ezisemaphandleni. Inkampani yeZero Suppliers ayithandabuzi ukubika ukuba lonyaka ikhona njalo izasekela ngemvuzo kumncintiswano wokugijima ezabalweni zeMatabeleland,” kutsho uKunzekweguta.

Usomabhizimusi lo, owaziwa ngothando lwakhe lokufundisa abantwana, ikakhulu emaphandleni uthe uzimisele ukuncedisa ngakho konke okungafunwa yizikolo lenhlanganiso yazo iNaph.

Uthe kuqakathekile ukuthi kwakhiwe ubudlelwano obuhle phakathi kweNaph lezinye inhlanganiso ezisebenzelana lezikolo.

“Inhlanganiso yeNaph izakutsho ukuba ifuna siyincedise ngani. Silinde ukuthi basitshele, kuphela.

“Inhloso yethu ngeyokuthuthukisa umdlalo wokugijima. Sikhangelele ukuphakamisa abantwabethu abalesiphiwo sokugijima. Yonke into iqala phansi ngakho lethalenta lokugijima kumele libanjwe lisakhula.

IZero Suppliers ilinde ukusekela ithalenta lezemidlalo ngaso sonke isikhathi,” kutsho uKunzekweguta.

Kusenjalo iNaph ithumele uMthunywa umbiko wokuthi imincintiswano izaqalisa mhlaka 22 ngenyanga ezayo kuzo zonke izabelo.

Lonyaka izikolo zonke zizahlangana eHwange kumncintiswano wezabelo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds