Iza ngomfutho COPA Coca Cola

10 May, 2018 - 00:05 0 Views
Iza ngomfutho COPA Coca Cola

uMthunywa

Nkosilathi Sibanda
UPETER Ndlovu wabangumdlali wenguqu wakuqala emhlabeni wonke ukuthwala inkezo yeCOPA Coca Cola, kumncintiswano wezikolo osufikise iminyaka engu-30 uphakamisa ithalenta labasakhulayo.

Imbali yenguqu yakuleli angeke igcwaliseke nxa kungakhulunywa ngomncintiswano weCOPA Coca Cola.

Inkezo yeCOPA Coca Cola le yaphakanyiswa nguPeter ‘Nsukuzonke’ Ndlovu ngomnyaka ka-1989 edlalela isikolo seMzilikazi High.

UPeter Ndlovu wabangumdlali wakuqala ukuthwala linkezo eyasungulwa koBulawayo.

Umaqhuzu weCoca Cola uVee Chibanda uxoxe loMthunywa ngokukhula kwalumncintiswano obike ukuba inkampani yabo izizwa ichelesa ngokuba yingxenye yokuletha ingqubekela phambili kwezemidlalo.

“Umnyaka lo uligugu kithi ngoba uze lembali emangalisayo. ICOPA Coca Cola isileminyaka engu-30. Imbali yenkezo le isukela ngo-1989 njalo yaqalisa eZimbabwe yasuka lapho yadlalwa umhlaba wonke, emazweni edlula i-68,” kutsho uChibanda.

“Sizakhumbula ukuba umncintiswano lo usuhwatshe ingcitshi zenguqu ezibalisa uPeter Ndlovu owabangomunye wabadlali base-Africa abaqala ukudlalela enkundleni zeNgilandi. Umncintiswano ka-2018 wahlukile ngoba sithakazelela iminyaka engu-30 siphakamisa ithalenta lesizwe.”

UChibanda ibike ukuba imidlalo yokucina izadlalelwa edolobheni leZvishavane kusukela mhlaka 12 kusiya ku-14 Ntulikazi.

Ngaphandle kokusekela izikolo ngenkezo le, inkampani yeCoca Cola iphinde yabonga intatheli zemidlalo eziphathise ukuthi inkezo ifike kusibanga esikuyo.

UMthunywa ubengelinye lamaphephandaba abongwe yinkampani yeCoca Cola ngokusekela inkezo okweminyaka edluleyo.

NgoLwesibili osaziwayo benguqu bazahlangana esikolo seRusuninguko High esabelweni seMashonaland East kusungulwa imidlalo ka2018.

Isikolo seRusununguko yiso intshantshu yomnyaka ka2018.

Inkezo yeCopa Coca-Cola isidlalelwa ngabadlali abaleminyaka yokuzalwa engaphansi kwetshumi lanhlanu.

Lokhu, ngokutsho kwabaqoqi bayo, kwenziwe kulandelwa uhlelo lwenhlanganiso yenguqu umhlaba wonke eyeFifa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds