IToppick Investments iphosela i$10 000

01 Nov, 2018 - 00:11 0 Views
IToppick Investments iphosela i$10 000

uMthunywa

YiNtatheli kaMthunywa
INKAMPANI yeToppick Investments isizimisele ukuthi isekele ezemidlalo nanko phela isinikeze isipho se-$10 000 kuqembu lesabelo seMatabeleland South elizancintisa kuma-Youth Games.
Isabelo seMat South besithwele luklubhu ngokuhlanganisa imali ezancedisa kumalungiselelo eqembu elizancintisa kumidlalo edibanisa zonke izabelo zelizwe.

Imidlalo yama-Youth Games izaqhutshwa esabelweni seMidlands ngoMabasa ngomnyaka ka2019.

Inkampani yeToppick Investments inikeze isipho lesi ngesikhathi kuqoqwe umkhosi wezemidlalo ohlanganise iziqinti zeBeitbridge, eZvovhe Leisure Park ngempelaviki.

Umqondisi wenkampani le uSaliwe Tlou ubikele iphephandaba likazulu ukuba ukuphathisa kwezemidlalo kuyingxenye yenhlelo zenkampani ezokusiza umphakathi.

“Lo ngumzekeliso wokuthi sizaqhubekela phambili siphakamisa impilo zabasakhulayo. Inkampani yeToppick Investments izahlala isebenzelana logatsha lwezemidlalo kuHulumende.

Inhlanganiso yeSport and Recreation Commission eMat South ibonge ngokuphindiweyo isenzo senkampani yeToppick Investments.

Umqondisi weSRC kulesi isabelo uLifa Mpofu uthe amanye amankampani kumele ahawukele, lawo alungisele umsebenzi omuhle.

“Siyabonga kuToppick Investments ngokusiza kudubo ebesibhekane lalo. Njengoba sesitholile imali engaka, kutsho ukuba sekumele siqale umsebenzi wokulungiselela. Akubenjalo lakwezinye iziqinti,” kutsho uMpofu.

Ekhuluma ngemva kwemidlalo, umphathintambo kaHulumende kundaba zaseMat South uAbedinico Ncube ukhuthaza abasakhulayo ukuthi badinge impilakahle kwezemidlalo.

“Ezemidlalo siyaphakamisa isizwe, siletha ukuthula njalo. Abasakhulayo ngibakhuthaza ukuthi bathathele ezemidlalo phezulu ngoba ziyaphilisa. Imidlalo ihlonitshwa kabanzi kwezengqubekela phambili kunhlelo zenhlanganiso yeUnited Nations ngaphansi kweSustainable Development Goals (SDGs),” kutsho lumphathintambo.

UMpofu uthe ngenxa yesipho lesi, iqembu lesabelo lizakwengezwa ngabadlali abalikhulu.

Kubikwa kuzaqhutshwa eminye imidlalo eziqintini, kudingwa osomabhizimusi abangaphathisa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds