Isisondele imidlalo yeZone 6

11 Oct, 2018 - 00:10 0 Views
Isisondele imidlalo yeZone 6

uMthunywa

YiNtatheli kaMthunywa
UKUSWELAKALA kwemali lokudula kwezinto sekuzaphazamisa ukuqhutshwa komncnitiswano omkhulu ku-basketball owe-Zone 6 Championships ohlanganisa amazwe ayisithupha koBulawayo kulinyanga.

Inhlanganiso yeBasketball Union of Zimbabwe (Buz) ifuna imali ephezulu kwe-$50 000 ukuze iphumelele ukuqhuba imidlalo yeZone 6 le.

Imidlalo le idibanisa amaqembu ayisithupha aphuma emazweni abalisa iZambia, Malawi, Mozambique, Angola, Botswana leZimbabwe.

USikhumbuzo Ndlovu umgcinisihlalo wequla eliqoqa umncintiswano lo ozaqhutshelwa enkundleni yeTrade Fair, uthe imidlalo izakuba mhlaka 20 kusiya ku-29 kulinyanga.

UNdlovu, ophinda abengumqondisi wenhlelo kunhlanganiso yeBUZ ucele uncedo kumankampani.

“Ibhajethi yethu iku-$57 000. Sicela amankampani asincedise ukuze siqoqe umncintiswano omuhle. Silethemba elikhulu lokuthi sizathola uncedo ngoba akhona amankampani esikhuluma lawo, alothando lokuba yingxenye yalumncintiswano.”

Uthe sebeqalisile ukwenza inhlelo zokuqogelela imali.

“Sizakuba lomhlangano lomphathintambo wewofisini kahulumende koBulawayo uJudith Ncube simazisa ngesimo esikuso. Sizakuzwa kuye ukuthi iwofisi yakhe ingasiphathisa njani,” kutsho uNdlovu.

UNdlovu uthe ngaphandle kwamathimu aphuma kumazwe ayisithupha asevumelane ukuzoncintisa, kube lamanye amaqembu avela eSwatini, Lesotho, Namibia lase-South Afrca.

Kubikwa isizwe se-Angola, esiyintshantshu kweze-basketball kumhlubulo ongezansi yeAfrica sizathumela amaqembu amathathu.

Iqembu le-Interclube eliphuma kuleli ilizwe selinqobe kuma-Zone 6 kahlanu.

Isizwe seMalawi siyaqala ukuza kulumncintiswano njalo siza lamathimu amabili iBrave Hearts le-Central Knights.Ezivela eMozambique yiFerroviario de Maputo, Ferroviario de Beira, leFerroviario de Mahuta.

Amaqembu akuleli azadlala abalisa iLakers eyakoBulawayo, City Hornets, Foxes leVixens eyeHarare.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds