uMthunywa
Musa Janga
ISIKOLO seMqwashwini Primary sesitshengisele ukuba lembali enkulu yesiXhosa ngemva kokuba kwenziwe idili kuthakazelelwa ubudala baso. Kubikwa isikolo lesi ngesinye sezikolo ezindala kwelakithi nanko phela sasungulwa ngomnyaka ka-1898.
Ikhuluma loMthunywa induna yakulindawo uDumisani Ndondo ibike ukuthi idili leli belingelokuthakazelela isikolo lesi kukhunjulwa okunengi ngembali yamaXhosa esigabeni lesi.
“Isikolo lesi silembali yonke yesiXhoseni, sasungulwa ngomnyaka ka1898 singakanikwa ibizo elithi Emqwashwini. Yikho lapha okwafunda okhulu labokhokho bethu ngakho bekulithuba elihle ukuthi senze umcimbi lo.
“Umcimbi lo bekungumcimbi omkhulu kakhulu njalo ubumuhle okwamagama, besinxuse izinduna ezitshitshiyeneyo zesabelweni seMatebeland North kanye labaphathi bezemfundo. Bekuze njalo abantu abavela kuzindawo ezehlukeneyo zesiXhoseni ezinjengeFort Rixon leMatapa ukuze sizothokoze sindawonye njalo sivuselele amasiko ethu.
Ubuye wathi emcimbini lo bebekhumbula njalo ababalisi abasitshiyayo ababefundisa kulesisikolo.
“Kulendondo ebesizenzele ababalisi abasitshiyayo ababefundisa kulesi sikolo njalo okuyibo abancedisayo ukuphakamisa isikolo lesi
“Okunye njalo umcimbi lo uhlanganise isigaba sethu sonke ukuze sithokoze singabantu banye.
Induna iphethe ngokubonga abaphathisileyo kulumcimbi njalo ababasize ukuthi uphumelele kuhle.
