uMthunywa
Ukwakhiwa kwezandiso ezabizwaneni
1. Esabizwaneni soqobo
Kusabizwana soqobo u/mina/ isandiso ngu/kimi/. Kusabizwana soqobo u/thina/ isandiso sendawo ngu/kithi/.
Kusabizwana soqobo /wena/ isandiso ngu/kuwe/. Kusabizwana soqobo /lina/ isandiso sendawo ngu/kini/.
Kusabizwana soqobo /yena/ okusigaba 1 lakusigaba 1a isandiso ngu/kuye/. Kusabizwana soqobo /bona/ kuzigaba 1 lo 2 isandiso ngu/kubo/. Kusabizwana soqobo /wona/ okusigaba 3 isandiso ngu/kuwo/.
Kusabizwana soqobo /yona/ okusigaba 5 isandiso ngu/kuyo/. Kusabizwana soqobo /lona/ kusigaba 5 isandiso ngu/kulo/. Kusabizwana soqobo /sona/ okusigaba 7 isandiso ngu/kuso/. Kusabizwana soqobo/ zona/ okusigaba 8 isandiso ngu/kuzo/.
Kusabizwana soqobo /yona/ okusigaba 9 isandiso ngu/ kuyo/. Kusabizwana soqobo /zona/ okusigaba 10 isandiso ngu/kuzo/. Kusabizwana /lona/ okusigaba 11 isandiso ngu/kulo/. Kusabizwana soqobo /bona/ okusigaba 14 isandiso ngu/kubo/. Kusabizwana soqobo /khona/ okusigaba 15 isandiso ngu/kukho/.
Nanku esikuphawula lapha: (a) Kokhulumayo ubunye lobunengi siqalisa ngo –ki- sisuse isijobelelo – na. (b) Kokhulunywa laye siyasuswa isijobelelo – na siqalise ngo-ku- ubunye lango –ki- ubunengi. (c) Kuzo zonke izigaba uyasuswa u-na wesabizwana kuqaliswe nngo-ku.
Qaphela ukuthi bakhona abanye abathi bekhuluma basebenzise u-ki- endaweni ka-ku- kanje: kilo, kizo, kizo, kiwo njalonjalo.
