Uncategorized

Isalukazi votsho emzini sinqunu . . . siphethe impahla zikamuyi

01 Mar, 2018 - 00:03 0 Views

uMthunywa

Gladmore Ncube
ZIMANGELE izakhamizi zePlumtree esigabeni sakoManguba kulandela indaba yesalukazi esibanjwe xhaka emzini wecinathunjana laso ebusuku sibhunyumunyu.

Kubikwa ukuthi uNkosazane Simphiwe Mlotshwa (86) ubanjwe emzini kaThembani Sibanda enqunu ephethe impahla zomkakhe owabhubhayo.

Intatheli ikhulumisane lezakhamizi zakule indawo ezithi udaba lolu lwenzakala njalo bayalwazi loba nje belufihla.

UMnumzana Humphrey Dube uthe uMaMlotshwa uvele uyaziwa ukuthi uyakhunkula njalo akubamangalisi ukuthi sephindile njalo kuyinto yakhe ayijayeleyo leyo.

“Lumuntu uvele uyaloya, usithwalise nzima esigabeni lapha kodwa-ke khathesi ngathi umuthi susiwa ngoba kasafani lakudala, ubusizwa ukuthi kulomuntu olala emzini wakho nsukuzonke kodwa ungamboni.

“Khathesi utholakale emzini womntanakhe ethwele impahla zomkakhe, owabhubha kudal, enqunu. Uthe ebanjwa umntanakhe wamembathisa ngengubo masinya wamngenisa endlini.

“Abantu besebebonile kudala kodwa isimanga yikuthi umntanakhe uthe ebuzwa wamvalela wathi unina ulomkhuhlane wokulala ehamba. Yebo, bakhona abalala behamba bengazi kodwa-ke sungaze ulale uhamba unqunu? Angiboni ukuthi ukhona olala ebhunyumunyu,” kuchaza uMnu Dube.

Intatheli ikhulumisane njalo loMnu Sibanda othe abantu bayamzonda unina bathi uyaloya kodwa kakaze yena ambone eloya umuntu.

“Umama ulomkhuhlane wokuthi ebusuku uyavuka ahambe kodwa engaziboni ukuthi uyabe esenzani.

“Loba kuthwa uyaloya umama kodwa sengaze eqe isigaba sonke akhethe ukuzoloya mina? Abantu bayamzonda umama njalo bafuna ukuxabanisa imuli yethu,” kuchaza uMnu Sibanda.

Intatheli icele ukuthi ikhulume loMaMlotshwa ngaloludaba kodwa umntanakhe walile ethi khonokhu akutshoyo yikho, akukho okunye unina azakutsho.

“Khonokho engikutshela khona yikho, akukho okunye umama azakutshela khona ngakho-ke asikho isidingo sokuthi ngimuphe ucingo ukhulume laye,” kuphetha uMnu Sibanda.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds