IPlumtree ichinsa i-basketball

26 Feb, 2015 - 10:02 0 Views
IPlumtree ichinsa i-basketball

uMthunywa

YiNtatheli kaMthunywa
INTSHA yePlumtree  isizathola ukuphucuka kancane kwezemidlalo kulandela isinqumo sokuletha imincintiswano yemidlalo ye-basketball  kulindawo.
Unobhala weBasketball Union of Zimbabwe uJoe Mujuru  ubike ukuba  bazimisele  ekuthuthukiseni umdlalo lo kuzozonke izigaba zeMatabeleland ngoba ukumemetheka kwawo kulesisabelo kungumlandu wabo.

UMujuru ubike lokhu eqeda ukubukela imidlalo yeAfro Basketball and All-Africa qualifiers enkundleni yeTrade Fair koBulawayo.

“Kade saqalisa ukukhuluma ngokuthi kumele umdlalo wethu ufike emaphandleni, ikakhulu emadolobheni anjengePlumtree leGwanda. Ukudlalwa kwe-basketball kundawo ezingaphandle kwedolobho lakoBulawayo kuzanceda.

Inhlanganiso BUZ ibika ukuthi nxa ingathola usekelo kumathimu asemaphandleni, izazama ukudinga amabhola lamambule kanye lokucentwa kwehlathi lapho okuzakhiwa khona inkundla.

“Umdlalo we-basketball ukhona kulesigaba kodwa udubo yikuthi akulankundla yemidlalo le ngaphandle kwalezo ezisezikolo.

Amathimu aphatheka kulumdlalo lawo ngawezikolo lobanje kumaqembu azimele wodwa adlalela ukukholisa,” kutsho uMujuru.

Imbiko efinyelele uMthunywa ithi nxa ukwakhiwa kwalezinkundla kungaphela kukhangelelwe ukuthi kube lamaligi azaqhutshwa kanye kanye lawakoBulawayo.

UMujuru  uthe bahlose ukuthola usizo lokucenta kanye lokwakha inkundla ezizasetshenziswa ngabadlali kanye labathandi balumdlalo.

“Silokuthaba ukubika ukuthi ngaphansi kohlelo lwethu lokukhulisa i-basketball, sicabange ukuvuselela iPlumtree lezinye indawo.

“Sikhangelele ukuvula inkundla zemidlalo yeze-basketball lonyaka. Okuhlabusayo yikuthi intsha yakulindawo isizakuba lendawo yokuchitha isizungu ngalumdlalo ongajwayelekanga ePlumtree. Umdlalo wethu awulabadlali abanengi ngenxa yokuthi akulankudla lempahla ebalisa amabhola, amambule kanye lezigqoko,” nguMujuru lo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds