IPlumtree ichinsa i-basketball

26 Jun, 2015 - 10:06 0 Views

uMthunywa

YiNtatheli kaMthunywa
INTSHA yePlumtree isizathola ukuphucuka kancane kwezemidlalo kulandela isinqumo sokuletha imincintiswano yemidlalo ye-basketbal kulindawo.

Umqondisi womdlalo we-volleyball kunhlanganiso yeBasketball Association of Zimbabwe uJoe Mujuru ubike ukuba bazimisele ekuthuthukiseni umdlalo lo kuzo zonke izigaba zeMatabeleland ngoba ukumemetheka kwawo kulesisabelo kungumlandu wabo.

“Kade saqalisa ukukhuluma ngokuthi kumele umdlalo wethu ufike emaphandleni, ikakhulu emadolobheni anjengePlumtree leGwanda. Ukudlalwa kwe-basketball kundawo ezingaphandle kwedolobho lakoBulawayo kuzanceda,” nguMujuru lo.

Inhlanganiso yeBAZ ibika ukuba nxa ingathola usekelo kumathimu asemaphandleni, izazama ukudinga amabhola lamambule kanye lokucentwa kwehlathi lapho okuzakhiwa khona inkundla.

Umdlalo we-basketball wawudlalwa okumangalisayo khona kulesisigaba kodwa udubo yikuthi akulankundla yemidlalo ngaphandle kwalezo ezisezikolo.

Amathimu aphatheka kulumdlalo lawo ngawezikolo lobanje kulamaqembu azimele wodwa adlalela ukukholisa.

Imbiko efinyelele uMthunywa ithi nxa ukwakhiwa kwalezinkundla kungaphela kukhangelelwe ukuthi kube lamaligi azaqhutshwa kanye lawakoBulawayo.

UMujuru utshele iphephandaba likazulu ukuthi bahlose ukuthola usizo lokucenta kanye lokwakha inkundla ezizasetshenziswa ngabadlali kanye labathandi balumdlalo.

“Silokuthaba ukubika ukuthi ngaphansi kohlelo lwethu lokukhulisa i-basketball, sicabange ukuvuselela iPlumtree lezinye indawo.

“Sikhangelele ukuvula inkundla zemidlalo ye-ze-basketball lonyaka. Okuhlabusayo yikuthi intsha yakulindawo isizakuba lendawo yokuchitha isizungu ngalumdlalo ongajwayelekanga ePlumtree. Umdlalo wethu awulabadlali abanengi ngenxa yokuthi akulankudla lempahla ebalisa amabhola, amambule kanye lezigqoko,” nguMujuru lo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds