uMthunywa
USATSHAQEKILE umdeni wowesilisa weVilane, (Moscow) KwaNongoma, kulandela ukudutshulwa kwakhe lipholisa elingumngane wakhe ngoba “elidelele” ngokuthi libi.
UVusumuzi Sibiya (38) udutshulwe ngoMgqibelo ekuseni wafela endaweni yesehlakalo.
Ipholisa eletheswa icala leli uConstable oleminyaka engu-33, igama engeke lidalulwe ngoba alikaveli enkantolo, kuthiwa lisesimeni esibi esibhedlela ngemva kokuzidubula ikhanda.
Ngokuthola kweSolezwe umufi lomunye umzala wakhe uMnumzana Thalente Ntshangase balande umsolwa besiyacela igwayi.
Bamise imota kamsolwa obevela emsebenzini njengoba ebesebenza ebusuku.
Kuthiwa bafike bahlala laye bezixoxela lapho umufi edelele leli pholisa ngokuthi alilihle ngitsho loba yena emdala kulalo kodwa ukhangeleka ngcono kakhulu.
Umsolwa kuthiwa uvele wakhipha isibhamu wamngqokloza ekhanda umufi. Esebona ukuthi usethule kuthiwa laye ube esezidubula ekhanda.
UNkosazana Hloni Ntshangase, ongunina omncane kamufi, uthe batshaqekile ngokwenzakeleyo ngoba abasazi isizatho sokuthi abulawe.
“UThalente noVusumuzi babone imota yepholisa babe sebeya kuyo ngoba bethi bayocela igwayi. Esikuzwile ukuthi oyedwa ufike wahlala esitulweni sephasenja omunye wama ngaphandle. Ipholisa kuthiwa libanikeze umphako walo ebelingawudlanga emsebenzini. Besawudla kuthiwa bebedelelana, angazi-ke ukuthi bekuthiwani, ipholisa kuthiwa livele lamdubula, labe selizidubula lalo,” kutsho uNkszn Ntshangase.
Uthe kufike uThalente esebabaza, baya endaweni yesigameko bafica umufi esefile lepholisa lisopha kakhulu.
“Ngifonele amapholisa afike athatha ipholisa lomufi. Asazi ngempela ukuthi kuyini obekubangwa ngoba laba bantu bangomakhelwane,” kutsho uNkszn Ntshangase.
Lo mndeni yize uthi uyizwile indaba yokuthi bebedelelana ngokuthi libi ipholisa kulomufi kodwa abalalo lonke ulwazi ngoba uThalente obekhona usatshaqekile akakwazi lokukhuluma ngokwenzakeleyo.
Umthombo weSolezwe ongatshayi eceleni uveze ukuthi ezitatimendeni ezithathwe kwabazibonele baveze ukuthi ingxabano iqalwe yikuthi leli pholisa lidelelwe ngokuthi libi.
Okhulumela amapholisa KwaZulu-Natal, uColonel Thembeka Mbele, uthe kuphenywa icala lokubulala.
“Ipholisa beliKwaVilane ngesikhathi kufika abesilisa ababili kulona, kube sekuba lengxabano. Owesilisa oleminyaka engu-38 odutshulwe wafa, ipholisa lalo libelenxeba ekhanda. Ligijinyiselwe esibhedlela lisesimeni esibi. Kuphenywa icala lokubulala esitetshini saKwaNongoma,” kutsho uColonel Mbele. — Ubulembu.
