uMthunywa
LIPHUTHUNYISELWE esibhedlela ipholisa ngemva kokuzidubula liqeda ukudubula unkosikazi lomfowabo kankosikazi enkantolo kamantshi eThekwini izolo.
Okhulumela amapholisa KwaZulu-Natal uColonel Thembeka Mbhele ukuqinisekisile ukuthi leli pholisa lifele esibhedlela.
Kuvela ukuthi bese kuphele iminyaka emibili ipholisa lonkosikazi walo bengafinyeleli esivumelwaneni ngedivosi.
Ipholisa elingaphansi kombutho wamapholisa kuleli ophikweni olugada izitimela KwaMashu liphuthunyiswe esibhedlela ngemva kokuzidubula ekhanda selidubule unkosikazi walo uNkosikazi Dibuseng Chiliza lomfowabo obemphelekezele uMnumzana Moss Moss (22).
Umthombo osondelene lalo umdeni, obukhona enkantolo ocele ukungadalulwa ngenxa yezimo zokuphepha, uthe bese kuleminyaka emibili betshintsha enkantolo ngodaba lwedivosi kodwa besehluleka ukufika esivumelwaneni idivosi yabo ingalalelwa.
“Bekungokokuqala kule minyaka emibili ukuthi inkantolo ifike esigabeni sokuthi ilulalele udaba lwabo,” kutsho umthombo.
Uqhube wathi inkantolo ithathe ikhefu lesikhatshana kwathi sebesekhefini umsolwa wacela ikheli likankosikazi wakhe osehlala eGauteng njengoba bedivosa kodwa ummeli wakhe (kankosikazi) wenqaba lalo wathi ngokubona kwakhe akuphephile ukuthi umsolwa azi ikheli lakhe.
“Ummeli kamufi ubuze ukuthi kungani efuna ukwazi ikheli likamufi wathi ufuna ukuthumela amaphepha abammeli mayelana lengane yabo.
Ummeli kamufi uthe angasebenzisa ikheli lasemsebenzini kamufi ngoba ukumnikeza ikheli lalapho okuhlala khona umufi akuphephile. Udinwe wathelwa ngamanzi kanti bese kutshaye isikhathi sokuthi kubuyelwe enkantolo.
Ngesikhathi kubuyelwa phakathi ukhiphe isibhamu wadubula unkosikazi lomfowabo, laye wazidubula.
UCol Thembeka Mbele, okhulumela amapholisa kulesi sifundazwe, uthe ngokuthola kwamapholisa umsolwa okuthiwa ulipholisa udubule kwatshona abantu ababili laye wazidubula enkantolo.
“Ngokuthola kwethu abatshonile kuthiwa ngunkosikazi kamsolwa lomfowabo. Okwamanje amapholisa awakatholi ukuthi yini imbangela yokubulawa kwabo, esikwaziyo yikuthi umufi wesifazane lomsolwa bebeze enkantolo ngodaba lwedivosi. Kuvulwe amacala amabili okubulala. Umsolwa uphuthunyiswe esibhedlela esesimeni esibucayi. Uzobe egadwe ngamapholisa khona esibhedlela,” kutsho uCol Mbele ngaphambi kokuthi atshone umsolwa.
Lesi sigameko siholele ekutheni kuhlehle amacala abezoqhubeka enkantolo i-O lapho kwenzeke khona isigameko.
UNgqongqoshe wezoBulungiswa nokuHlunyeleliswa kwezimilo, u-Advocate Michael Masutha, esitatimendeni esithunyelwe kwabezindaba uthe usethumele uhlaka lomnyango wakhe ukuthi luphenye ngalesi sigameko.
“Ulwazi esilalo okwamanje olokuthi umsolwa ulipholisa, okwenze ukuthi onogada bangakwazi ukwehlukanisa ukuthi uze enkantolo ngoba eze ecaleni elithinta yena loba uwufakazi ecaleni elithile. Sizokwenza isiqiniseko sokuthi izinkantolo ziphephile,” kutsho yena.
Imizamo yokuthola umdeni wabatshonileyo ayiphumelelanga. — Ubulembu
