Intshantshu ze-netball zilubhekise eLesotho

Intshantshu ze-netball zilubhekise eLesotho

0 329

ABADLALI be-netball abalitshumi abaphuma kumaqembu ezikolo ezitshiyeneyo sebekhethwe ukubumba iqembu lesizwe elikhangelelwe ukuyancintisa kumincintiswano yeConfederation of Secondary School Sports Associations (Cossasa) eLesotho.

Iqula lamantombazana leli likhethwe ngemva kokudlala kuhle ngempelaviki edluleyo kumidlalo yeStella Tea Under-17 edolobheni leBindura lapho obekudibene intshantshu zokuqaga kumaqembu ezikolo zakuleli.

Phakathi kwalithimu kulabadlali abane abafunda esikolo seSikhulile High koBulawayo.Abadlali laba babalisa uMitchell loNicolia Muzanenhamo, uPrimrose Moyo loNtando Sibanda.

Abanye abadlali nguSelina Kurirevu, Lisa Tanyanyiwa, Manzini Muvembi abesikolo sePamushana High esisesabelweni seMasvingo, uWhitney Manyuchi Mvurwi, Sithembile Manyukire abafunda esikolo seMnene loSibane Munjanji.

Kusenjalo, inkampani yeTanganda Tea isibike ukuba izimisele ukuthi ikhokhele indleko zokuhambisa iqembu lamankazana la eLesotho.

Umaqhuzu wenkampani uFarayi Garayi utshele iphephandaba likazulu ukuba bazasekela iqembu lesizwe leli ukuze lanelise ukwenza kuhle kumincintiswano yeCossasa.

“Siyathaba ukubika ukuba inkampani yeTanganda Tea esekela umdlalo we-netball izaphathisa ekuthini iqembu elizamela iZimbabwe kumidlalo yeCossasa. Sizakhipha indleko zokuhambisa leliqembu.

“Nxa kukhona okunye okufunekayo, angeke sithandabuze ukuncedisa ngoba silothando lokuphakamisa abadlali abalethalenta kulumdlalo,” kutsho isiphathamandla lesi.

SIMILAR ARTICLES

NO COMMENTS

Leave a Reply