uMthunywa
JOHANNESBURG — Ngesikhathi uNokuthula Hlongwane (21) ethi uyovalelisa okokugcina kozakwabo emsebenzini ngoMsombuluko, uScelo Mthethwa, 23, wayecabanga ukuthi uyayeka emsebenzini.
Kodwa ngokuhamba kwesikhathi watshelwa ukuthi uNokuthula, intombi yakhe yeminyaka emine, igxume esitezi sika-13 efulethini eliseThekwini yafa ujuqu.
UScelo utshele iphephandaba iDaily Sun ukuthi: “Engikuzwayo kungaphezulu kwezinhlungu. Bengingakulinele lokhu. Besikhuluma ngayo yonke into . . . bengicabanga kanjalo.”
Uthe ubenenkinga yesibeletho kusukela ngo-2012.
“Uma ubuhlungu buqinisa kakhulu, wayengayi emsebenzini futhi ngangibona nje ukuthi lento imkhathaza kakhulu,” kusho uScelo.
NgoLwesihlanu ngaphambi kokuba azibulale zaseziqalile futhi izinhlungu.
Ngaphambi kokuba azibulale wafaka izithombe zakhe ezingu-24 kuFacebook, ezibhalwe ukuthi: “Ngaphambi kokuba ngiye eZulwini.”
UMajor Thulani Zwane uthe kuyaphenywa. — Ubulembu