|
|
|
Abafana ababili (15) babotshelwa ukusoka abanye
Isolezwe
KUBOTSHWE abafana ababili abasoke abanye abahlanu ngokungekho emthethweni eLibode, eMpumalanga Kapa kweleSouth Africa.
Okhulumela ugatsha lwezempilakahle, uMnumzana Sizwe Kupelo, uthe laba bafana ababili, abaleminyaka engu-15 babotshwe eDalaguba, ngoMgqibelo ngemva kokwenza lesisiga.
“Basoke abafana abahlanu, abangaphansi kweminyaka engu-17 kwathi bona labo basokana. Laba bafana abayisikhombisa bagijinyiselwe esibhedlela besesimeni esibi kakhulu,” kutsho uKupelo.
UKupelo uthe abogatsha lwezempilakahle bakhathazekile ngokusokwa okungekho emthethweni kwabafana lokhu khepha kufa abafana minyaka yonke ngenxa yalokhu.
“Ngikhuluma nje nyakenye kufe abafana abangu-90 ngenxa yokusokwa okungekho emthethweni njalo okwenziwa abantu bengelalo ulwazi ngalokhu abakwenzayo,” nguKupelo lo.
Uphethe ngokuthi bazaqhubeka besenza umsebenzi wokufundisa umphakathi ngobubi balokhu wathi laba ababili bazovela emthethwandaba kuzinsukwana ezilandelayo.
Kusenjalo kulesidumbu sowesifazane olinganiselwa eminyakeni engu-30 esitholakale kwenye iholu yesibhedlela sePrince Mshiyeni Memorial, eMlazi eSouth Africa ngoMvulo. Lesi sidumbu kuthiwa sitholwe yisisebenzi ebesizohlanza iholu le silungiselela inkonzo obekumele yenzelwe lapho.
Ngokutsho kwezisebenzi zalapho lo obehlanza iholu udonswe liphunga elibi ebeliqhamuka endlini encane yale iholu. Uthe ethi mehlo suka wazithela phezu kwalesi sidumbu sowesifazane. Akukho okucacayo nje ngokufa kwalo owesifazane kodwa bekulengubo esajali igcwele igazi ngaphansi kwakhe njalo ubemise amadolo kulensolo zokuthi kungenzeka watshona ebeletha.
Izingubo ayezigqokile bezisabonakala: okuyisiketi esiluhlaza sasibhakabhaka leyembe emnyama. UMnumzana Bheki Dlamini okhangele indaba zabantu kulesi sibhedlela , uthe isidumbu sitholwe ngezikhathi zehola lesitshiyagalolunye ekuseni futhi eduze kwaso bekulosiba lokubhala leruler.
UDlamini uthe ngokwazi kwakhe liholu ayivulwa loba nini kodwa ivulwa nxa kuzakuba lemihlangano loba imicimbi ethile kuphela.
“Kuyaxaka ukuthi owesifazana wayengene kanjani futhi lobani kule iholu ngoba akasi mfundi walapho kumbe umongikazi, akwaziwa ukuthi ungubani,” kutsho uDlamini.
Okhulumela amapholisa uLieutenant Colonel Vincent Mdunge uthe lalamhlanje akukaziwa ukuthi ngowakuphi umufi njengoba lingekho irhekhodi eliveza ukuthi kulomuntu okwabikwa ukuthi ulahlekile esendaweni zalesi sibhedlela.
“Amapholisa aphenya icala lokubulala njengoba kutholakale igazi eselomile eduze kwesidumbu,” kutsho uMdunge. — Isolezwe. |
|
|