|
|
|
Yinzalo yeZimbabwe umbulali kaTerre’ Blanche
Sapa
INDODA okucatshangelwa ukuthi yiyo eyabulala u-Eugene Terre’ Blanche izalwa kweleZimbabwe.
Lokhu kuvele emthethwandaba weVentersdorp ngoLwesithathu ngesikhathi ecela ibheyili kumantshi.
UChris Mahlangu wetheswa icala lokubulala kunye lokugqekeza. Omunye okubikwa wenza lelicala bendawonye uleminyaka engu-15.
U-Isaih Ngobeni, ongesinye sezihlobo zikaMahlangu, utshele umthethwandaba ukuthi umetheswacala wazalelwa eZimbabwe. Umantshi ebuza ukuthi kungani belezibongo ezitshiyeneyo uthe: “Ukuze bamukeleke kweleSouth Africa uyise watshintsha isibongo.”
Uthe isibongo sakhe esanda kuzalwa sasingesakoRhangani, ngoba bekweleZimbabwe. Mhlawumbe yiso isibongo esasisetshenziswa nguyise ekhonale.
Uthe waqala ukubona uMahlangu eChiredzi, eZimbabwe, ngesikhathi eleminyaka eyisithupha, ese-creche ngomnyaka ka1989.
Ngemva kokuyahlala eSouth Africa, wambona ngomnyaka ka1997 eMabopane. Uthe bahlala bonke okweminyaka emithathu lengxenye anduba behlukane esethethe.
UNgobeni loMahlangu baphinde bahlala bonke e-Itsoseng lomkakhe kodwa baphenduka indlu yabo isitshile.
UNgobeni uthe eqalisa ukuzwa ukuthi uMahlangu nguye owabulala uTerre’Blanche kazange akukholwe waze wamtshela uqobo lwakhe.
Uthe nxa uMahlangu engaphiwa ibheyili ulakho ukuthi ahlale laye nxa engelayo indawo yokuhlala.
Wengezelele wathi uMahlangu useke wenza imizamo embalwa esehluleka yokuthatha isithupha seSouth Africa ngoba elezihlobo ezedlula ezingamatshumi amabili.
Kusenjalo umthethwandaba walile ukuguqula icala eletheswa uMahlangu, lanxa igqwetha likaMahlangu, uPuna Moroko, lithe ukubulawa kukaTerre’Blanche akuzange kuhlelwe njengokuchaza okwenziwa ngumtshutshisi enkundleni.
Umetheswacala wayezivikela aze enze icala leli, lokhu kokubili kakungeke kufanane, ukuzivikela lokuhlela ukubulala umuntu. Sidinga isinqumo esiqondileyo kulokhu, esinye esingabekwa kulelicala siyabe singaqondanga,” nguMoroko lowo.
Ekuthonisweni kokucina kwecala, inkundla izwe ukuthi uTerre’Blanche watshaywa andubana egwazwe ka-28 mhlaka 3 Mabasa.
Phambilini, uMoroko wathi uTsietsi Mano, onguye ocubungula udaba lolu, ulakho ukuxhamanda nxa sekuhlolisiswa okuseduze ukuthi uTerre’ Blanche wayelele yini ngesikhathi ehlaselwa.
Umantshi uMagaola Foso walile isicelo sikaMoroko wathi sizakhangelwa kuqhubekela phambili ukuthoniswa kwecala
Kusenjalo indlela yokutholisa uMahlangu ibheyili yenziwe kwaze kwatshaya ihola lesitshiya minwe mibili ntambama.
UMahlangu yena kubikwa ubehleli ethule zwi ebhokisini, egqoke impahla ake abuya ezigqokile emthethwandaba. — Sapa. |
|
|