INkukhu zibuthelela abadlali abatshisayo

14 Mar, 2019 - 00:03 0 Views
INkukhu zibuthelela abadlali abatshisayo uTawenga Hara

uMthunywa

Bongani Ndlovu

LIYAPHAMBILI ngokuthenga abadlali abatshisayo iqembu lakoBulawayo iChicken Inn nanko phela sekuqoqoda njalo umgadli welizweni leMalawi emnyango walo.

UNobhala jikelele weqembu leli uTawenga Hara uvumile ukuthi kulomdlali weMalawi obuyileyo  ukuzohlolwa ngaphambi kokuba kuthathwe inyathela.

“Kuliqiniso ukuthi silomdlali weMalawi obuyileyo uMuhammad Sulumba kodwa okwakhathesi akakabi ngumdlali weqembu ngoba esamelele ukuhlolwa ngabaqeqetshi beqembu ngaphambi kokuthi sithathe inyathelo lokumsayina,” kutsho Hara.

Uqhubekele phambili uHara esithi imvumo yokusayinisa lumgadli izavela kumqeqetshi weqembu okwaziyo akufunayo kubadlali njalo isinqumo sizakwenziwa ngoLwesihlanu.

“Isinqumo sokusayinisa umdlali lo sizakwenziwa ngemva komdlalo wobungane esizakuba lawo leHarare City eLuveve.

“Kasifuni ukuthi athi esesayinile abe sehlala ebhentshini, sifuna umuntu ozafika enze izimanga eqenjini ukuze senelise ukuthwala inkezo yeligi,” ngoba kuyibo abakwaziyo abakufunayo ebadlaleni kutsho Hara.

Uqhubekele phambili wathi umgadli lo ufike kuleli ngoMqibelo njalo ube lethuba lokubukela umdlalo weqembu leli leBosso lapho abone indlela inkukhu ezidlala ngayo.

Iqembu lakoBulawayo selithenge abadlali abafika kusitshiyagalolunye belungiselela isizini ezayo okungabe kungumutsho oveza inhloso yabo kusizini ezayo.

“Kuliqiniso ukuthi sesithenge abadlali abanengi kodwa lokho kuveza inhloso yeqembu ngoba sifuna ukulwela ukuthwala inkezo yePSL lokudlala kumqhudelwano weCaf lezinkulu,” kuphetha uHara.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds