‘Injetshane’ zikaMadinda zidanela kuMohadi

01 Mar, 2018 - 00:03 0 Views
‘Injetshane’ zikaMadinda zidanela kuMohadi UKembo Mohadi

uMthunywa

KULANDELA ukudliwa yiDynamos iqembu leHighlanders lizaqedela ulaka lwayo kuCaps United ngeSonto kunkezo yomsekeli kaMongameli uKembo Mohadi.

Imisila iphansi enkambeni yeBosso ngokwehluleka ukuqansa phezulu kwesitha esikhulu iDeMbare, okuyikho okuzenza abafana bomqeqetshi weBosso uMadinda Ndlovu baqinele phezulu kweMakepekepe.

Umdlalo lo kanye lenkezo le ngokwakuqala kumbali yenguqu. Amathimu womabili ajwayelene kodwa uMadinda uyachinsa ukutshayisana leCaps United ngemva kweminyaka engaphandle kwelizwe.

UMadinda, owaziwa ngelithi “Khathazile” kunguqu, ubuthelele iqembu elilabafana abangela dumo abazadibana leCaps United ethwele abadlali abaseke baligiqa kunkundla eziphezulu.

Umdlalo kaMohadi lo ufika ngesikhathi izabelo zeMatabeleland zonke zihlekelela esikhewini ngokuqhatshwa kukaMohadi kusihlalo sikaHulumende.

Ithe isinqotshwe yiDynamos ngempelaviki, iHighlanders ikuthethe kancane lokhu nanko uMadinda wabika ukuba ubengakhangelelanga ukunqoba kodwa ubefuna ukuthi abafana bakhe bejwayelane.

NgeSonto abalandeli bazafuna ukubona ukuthi iqembu litshintshe njani lilungiselela iligi. Umdlalo lo uzanikeza umqeqetshi isikhathi sokuthi alungisise okuhluphayo eqenjini, njengokutsho kwakhe.

Inkinga ekhona kwezinkulu yikuswelakala komgadli ongaliphosela lula egedini. UMadinda uthethe umgadli uNewman Sianchali kuBulawayo City, kodwa ngeSonto edluleyo kazange enze lutho lumdlali.

Ihofisi yenkokheli zeBosso ivumile ukuthi inxusiwe kunkezo kaMohadi.

Isikhulumi sekomithi yenkezo uNdumiso Gumede uthe lesi yisikhathi sokuthi uBulawayo athakazelele ukwenyuswa kukaMohadi.

“Leli lithuba elihle lokuthi sijabule lomunye wethu uKCD Mohadi osephakanyiswe kusikhundla sikamsekeli kaMongameli welizwe. UMohadi uvumile ukuthi senze idili lenguqu sithakazelela ukwenyuswa kwakhe. Ngakho ke, ngeSonto ziyawa eMagumeni kudibene iBosso leCaps United,” kutsho uGumede.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds