Uncategorized

Inina lendodakazi yalo bhudlu esithenjini

24 Jan, 2019 - 00:01 0 Views
Inina lendodakazi yalo bhudlu esithenjini

uMthunywa

Musa Janga
KULENINA lendodakazi yalo ababukelise izakhamizi zakoManoti eGokwe kulandela ukubhuqana bebanga indoda.

Inina leli uDorothy Ndlovu oleminyaka yokuzalwa engu-40 lendodakazi yakhe uSinikiwe Ncube oleminyaka yokuzalwa engu-19 babhuqane kwaba luthuli ngoMgqibelo bebanga uDennis Dube oleminyaka engu-38 obengumasihlalisane kanina.

UMthunywa uxoxisane lomfakazi ongathandanga ukuvezwa ngegama obike ukuthi indoda le bayazi ingumasihlalisane kaMaNdlovu.

“Wonke umuntu ubesazi ukuthi indoda ngekaMaNdlovu. Kukhanya kwaba lokuganga okwabangela ukuthi uSinikiwe aze akhombe indoda kanina. Kuthe ngokuya kwesikhathi uMaNdlovu wancwetshwa indlebe ngabantu ababehlala bebona uSinikiwe loDube ngoba uMaNdlovu uhlala esekuthengise.

“Lokhu kwenza ukuthi uMaNdlovu abuze umntanakhe ngamahungahunga la. Okwamangalisayo yikuthi uSinikiwe kazange aphike kunina wavuma konke kodwa ethi uDube nguye obemhlupha ngokuthi bathandane.

Uqhubekele phambili esithi okwenziwe yilaba ababili; uSinikiwe kanye loDube kulihlazo emphakathini kodwa uDube nguye obangele lokhu ngokukhombisa unina lomntanakhe.

“Singathi uSinikwe uphambanisile kodwa loDube nguye okumele afakwe icala ngokuthandana lomntwana walowo athandana laye. Khathesi sekubelihlazo sebezehlise isithunzi esigabeni. Ekhuluma lentatheli uMaNdlovu uthe okwenziwe ngumntanakhe loDennis kube lihlazo kuye.

“Kuyayangisa lokhu ngeke ngithandane lendoda iphinde ithandane lomntanami. Kungithelele ulaka ngoba lalowo Dennis ngimxotshile endlini yami,” kulandisa uMaNdlovu.

UMthunywa uxhumane loMnu Dube yena ophike wemba phansi lindaba ethi laba ababili bebengabangi yena.

“Kulokwabo abakade bekubanga, bebengabangi mina njalo kangizange ngithandane loSinikiwe ,” kutsho uMnu Dube.

Imizamo yokuxhumana loSinikiwe yehlule ngoba ucingo lungatholakanga.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds