uMthunywa
KUKHALWA ngenduna yendawo okuthiwa ayidakwa nje ibuya ekhaya ngokuzolala, itshaya amavosho ematshabhini lasemicimbini yomphakathi.
Kusolwa lokuthi linkosi ithatha imali, ezikhitshwa ngabantu esigabeni kuzona lezi zindawo zobumnandi.
Umdeni wenduna uPhathisizwe Luthuli yaseMnini eMgababa, kweleSouth Africa uthi uzibona wehliswa isithunzi yilenduna okuthiwa ayinathi nje ilala khona.
UMnuz Ndoda Hamilton Luthuli, ongomunye wabafowabo benkosi, uthe iloba kulilungelo layo ukuthi izijabulise ngendlela ethanda ngayo, kodwa ukubonakala kwayo ijayiva ematshabhini lasemicimbini ngendlela eyenza ngayo, bakubona njengento engamukelekile.
“Ukubonakala kwenduna icwile ezimbizeni zikaFaro kwehlisa isizwe sonke isithunzi. Sikhathazekile impela ngalumkhuba osulesikhathi eside uqhubeka,” kutsho uLuthuli.
Uthe okubuhlungu yikuthi lemali induna ethenga ngayo utshwala kusuke kungoR10 000 eyithola ngokuthengisa iziza zabantu ezisuke sezikhokhelwe yona futhi ngale mali.
ULuthuli uthe udaba lokuthengisa kweziza zabantu ngumfowabo ludala. Kodwa ukubonakala kwakhe eyinduna ehamba ejayiva ezindaweni okusuke kuhambele kuzo oDJ kule ndawo, yikona okwenza babone ukuthi kutsho ukuthi ayizimiselanga ngokusebenzisana lesizwe ukuze kube khona inqubekelaphambili ezinkingeni ababhekene lazo.
“Ungumfowethu impela omdala kodwa indlela enza ngayo izinto, ayisiphathi kahle,” kutsho uLuthuli.
Uthe enye yezinselelo umfowabo abhekene layo, useke wahubha abantu besifazane abagqoke amabhulugwe endaweni, wathi akafuni kubabona bewagqokile.
“Lokho kwaze kwabangela amasoka abo labo bantu besifazane ayihlasele inkosi, kwaze kwangenela thina. Sawubhula lowo mlilo,” utsho njalo.
Ngenkathi iphephandaba leSolezwe lihambele kule ndawo kuleli sonto, lifike emzini wenduna latshelwa ngumkayo ukuthi isaphumile.
Umfowabo wenkosi ubetshilo ukuthi akulula ukuthi siyifice ngoba isikhathi esinengi ayihlali ekhaya.
Ithintwa ngocingo induna ngeviki ephelileyo, ithe icela ukuthintwa ngo-2 ntambama.
Ayibanga isalubamba ucingo ngesikhathi okuvunyelwane ngaso. Langosuku olulandelayo kwenzeke okufanayo. Lemilayezo etshiyelwe yona ocingweni lethunyelelwe yona ngomakhalekhukhwini ayiyiphendulanga. — Isolezwe
