INDABA EZIPHUTHUMAYO: Umphurofethi ugwetshelwa ukuthi abanye ngabathakathi

INDABA EZIPHUTHUMAYO: Umphurofethi ugwetshelwa ukuthi abanye ngabathakathi

0 838

Arnold Ndlovu

KULENINA leBeitbridge elingumphurofethi elimiswe emthethwandaba kuyonale iviki lisetheswa icala lokuthi amanye amanina amane angabathakathi njalo asebulele abantu abanengi esigabeni.

Umphurofethi lo, uTatulo Dube ohlala eDendele eBeitbridge oleminyaka engu-56 yokuzalwa ubemiswe phambi kukamantshi uMnumzana Trevor Nyatsanza esetheswa icala lokuthi amanina amane (esingeke sawachaza ngenhloso yokuwavikela) angabathakathi njalo babulala abantu ngobuthakathi babo.

Umtshutshisi uMnumzana Munyonga Kuvarega ubikele inkundla yeBeitbridge ukuthi mhlaka 11 Lwezi ngomnyaka ophelileyo umsolwa watshela amalunga ebandla lakhe, iAfrican Apostolic Church ukuthi amanina la angabathakathi njalo yiwo ababulala abantu esigabeni.

Umsolwa ulivimile icala lakhe, umantshi uMnu Nyatsandza wanquma ukuthi ayepika inyanga eziyisificaminwe mibili andubana azesule kukhangelelwe ukuthi abhadale imali engange $70.

Umantshi uMnu Nyatsadza uxwayise abantu ukuthi bangabobiza abanye abantu ngabathakathi bengela bufakazi abangabethula ngoba kulicala elikhulu nxa kukhangelwa isisekelo sombuso weZimbabwe.

NO COMMENTS

Leave a Reply