IMpopoma igcwele kuCOPA Coca-Cola yeAfrica

13 Dec, 2018 - 00:12 0 Views
IMpopoma igcwele kuCOPA Coca-Cola yeAfrica

uMthunywa

YiNtatheli kaMthunywa
ASIKHO isikolo esilabantwana abalethalenta lokudlala ibhola lenyawo njengeMpopoma High nanko kukhethwe abantwana abahlanu bakulesi isikolo kuqembu lesizwe elidlala kunkezo yeCOPA Coca-Cola Africa.

Amankazana eMpopoma High enza kuhle kumncintiswano wezabelo kuleli ngoNtulikazi lapho aqeda ekunombolo yesibili.

Kusenjalo amaqembu amele isizwe kulumncintiswano we-COPA Coca-Cola Africa Cup Under-15 asefikile kwele-Kenya lapho azancintisana khona lamazwe ayisitshiya galombili kulinkezo.

Imidlalo le esekelwa yinkampani yeCoca- Cola uqalise ngoMvulo njalo ukhangelelwe ukugqitshwa ngoMgqibelo. Inkezo le edlalwa ngabantwana besikolo iza ngemva kokuba wonke amazwe eAfrica ekhethe abadlali bohlonzi abenze kahle ngesikhathi kuqhutshwa imidlalo yezikolo.

Amazwe azangqikilana abalisa iAngola, Botswana, Ethiopia, Kenya, Malawi, Mozambique, Nigeria, South Africa, Uganda, Zambia leZimbabwe.

Isizwe seZimbabwe le-Kenya yizo zodwa ezenelise ukuthumela amaqembu amantombazana.

Ngokutsho kwabaqoqi bomncintiswano, amazwe womabili azathola inhlonipho ngokuthuthukisa unobhutshuzwayo wamantombazana.

Abafundi beMpopoma laba babalisa uThando Sibanda, Priscillah Marikosi, Nosipho Dube, Nomqhele Thwala loRufaro Maphosa. Abadlali laba bayingxenye yeqembu elilabadlali abalitshumi lasithupha abaqeqetshwa ngu-Sisasenkosi Mapungwana, ongumbalisi weMpopoma.

Isikolo seThekwane High esisePlumtree sona sikhiphe ingcitshi ezimbili zabadlali. Ezinye izikolo ezilabantwana abaseKenya yiVainona, Sodbury, Ramauru, Gaza, Marlborough, Muzokomba leDzivarasekwa.

Ekhuluma loMthunywa ngoLwesibili emini, uArthur Maphosa osabambe isikhundla sikamongameli weNational Association of Secondary Heads (Nash) uthe ufisela amaqembu esizwe inhlanhla.

“Silethemba lokuthi bazadlala ngendlela ezatshengisa ukuthi lapha eZimbabwe ibhola liyadlalwa. Sibafisela ukunqoba kuphela.”

Iqembu labafana lona liqeqetshwa ngumbalisi wesikolo sePamushana uBernard Matenga. Kuthimu le, kulabadlali abafunda eMtshabezi, Mpopoma, Waddilove, Pfupajena, Rusununguko, Mutare Boys, Pamushana leGuinea Fowl.

Iqula lamaqembu ngokugcweleyo:

Amankazana: Bethel Kondo (Nyamauru), Thando Sibanda, Priscillah Marikosi, Nosipho Dube, Rufaro Maphosa (all Mpopoma) Ruvimbo Nyambo (Gaza), Laiza Dakacha (Muzokomba), Aaliyah Utumbe, Memory Mbira(both Vainona), Emaculate Zulu, Tendai Museza(both Sodbury), Tanaka Mbesere (Marlborough), Lindiwe Ndlovu, Shantell Siziba (both Thekwane), Sharon Dangirwa (Dzivarasekwa 2).

Umqeqetshi: Sisasenkosi Mapungwana (Mpopoma).

Isikhulu seqembu: Albert Mucheka (Nash).

Abafana: Bradley Kanyangu, Keith Muzengeza, Royce Muhone (Mutare Boys High), Emmanuel Richard, Alvin Dube, Trymore Kawerere, Junior Makunike (Prince Edward), Elevate Maseko (Guinea Fowl), Tafadzwa Mamboma (Mpopoma), Owami Moyo(Mtshabezi), Munashe Hungwe (Waddilove), Denzel Chikwanda (Pfupajena), Tapiwa Tagarika, Enasio Perezo, Nokutenda Mangezi (all Pamushana), Michael Saharo(Rusununguko).

Umqeqetshi: Bernard Matenga (Pamushana).

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds