Iminyaka engu-6 amakhompuyutha ebola

23 Jul, 2015 - 10:07 0 Views
Iminyaka engu-6 amakhompuyutha ebola

uMthunywa

Charity Moyo
ABAZALI abalabantwana abafunda esikolo seSamlodi, eGwanda sebesole abaphathi besikolo lesi ngokwehluleka ukufundisa izifundo zamakhompuyutha aphiwa isikolo lesi nguhulumende ngenhloso yokukhankasela ie-Learning.

Abazali abakhulume loMthunywa baveze ukuthi isikolo seSamlodi Primary sathola amakhompuyutha la kuminyaka eyisithupha edluleyo kodwa lokhe engafundiswa.

Omunye umzali othande ukwaziwa ngokuthi nguDube nje kuphela uveze ukuthi ukungafundiswa kwamakhompuyutha esikolo lesi kutshengisa ukuthi abaphathi bakulesi isikolo kabalandaba lohlelo lukahulumende lwe-E-learning.

“Uhulumende wasithanda lanxa sisemaphandleni wasipha amakhompuyutha kodwa kusephula umoya ukuthi kusukela ngomnyaka ka2009 lokhe engafundiswa esikolo sakithi,” kulandisa uMnu Dube.

Elinye ilunga leSchool Development Committee (SDC) uMnumzana Thabani Ncube uveze ukuthi kabasitholi isizatho esibambekayo esenza abantwababo bangafundiswa amakhompuyutha.

“Uhulumende wanika isikolo sethu amakhompuyutha alitshumi kuminyaka eyisithupha edluleyo kodwa ahlezi kawafundiswa, lanxa kulamagetsi lapha,” kuchaza uMnu Ncube.

Uqhubekele phambili wathi njengabazali kuyabakhathaza ukuthi abantwababo kabafundi amakhompuyutha ngoba becina bethwala nzima nxa sebesiya kwenza imfundo yaphezulu.

“Abantwabethu bacina bebhekana lobunzima nxa sebesenza imfundo yaphezulu ngoba beyabe bengazange bathole ithuba lokwenza izifundo lezi kukanti lezinsuku sokumele umuntu abe lolwazi lwemitshina le yakulezinsuku,” kutsho uMnu Ncube.

UMthunywa uxhumane lomphathisikolo weSamlodi, uNkosikazi Prisca Hobane yena ovumileyo ukuthi amakhompuyutha akhona.

“Amakhompuyutha silawo sibili esawaphiwa nguhulumende kodwa udubo esihlangana lalo ngolwababalisi. Lami ngiyakufisa ukuthi abantwabethu bawafundiswe kodwa ababalisi abawafundelayo bayasilela,” kuphetha uNksz Hobane.

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds