Imfihlo yeFC Platinum

Imfihlo yeFC Platinum

0 90
URodwell Chinyengetere

YiNtatheli kaMthunywa
UMGADLI weqembu leFC Platinum uRodwell Chinyengetere, ohlohle amabhola amanengi kulabanye uveze imfihlo yokuphumelela kwaleliqembu kuligi yeCastle Lager.
IFC Platinum yintshantshu yeCastle Lager kulisizini njalo isiphinde kabili iminyaka ilandelana. Ekhuluma lephephandaba likazulu kuliviki, uChinyengetere obeyinsika yokunqoba kwaleliqembu uthe isizatho sokunqoba kwabo yikuthi bahlala belendlala yokunqoba.

“Indlala yiyo esifuqa ukuthi sinqobe imidlalo yethu. Wonke umdlali lomqeqetshi futhi, bahlala belambele ukuphumelela. Ukuthwala inkezo yeligi ngesizini edluleyo kwasinikeza igunya lokuthi siphinde umphehlo. Kuqale kuliphupho kodwa sekwanzakele,” kutsho umdlali lo.

UChinyengetere uhlohle amabhola angu-13 kulisizini, okumnikeza indawo kalula kukhalenda yabadlali abenze kuhle ngesizini le.

Umgadli lo uthe inhloso seyikuyikuphakamisa ibizo leqembu lomdlalo wabo kumidlalo yeChampions League.

“Sesiqedelane leligi yethu, sekusele umncintiswano weChampions League. Ngomnyaka odluleyo usehlule umncintiswano lo ngakho sizaqinela ukuthi sedlulele phambili. Ngokuqina langokuzimisela esiyikho khona, sizaloba imbali ngokuba liqembu lakuqala eliphuma eZvishavane ukuthi sifike ku-final yeChampions League.

“Ukunqoba kwethu kuyasikhuthaza okuzwayo. Ithemba engilalo yikuzibona ngiyincedisa ukuthi inqobe i-FC Platinum.

“Ukuba seqenjini leli kuyangikhukhumeza ngoba ithimu le isithole okunengi ngiyidlalela. Liqembu elisenhliziyweni yami.”

Ebuzwa ngokuphumelela kweqembu lakhe ngoLwesithathu, umqeqetshi uNorman Mapeza uthe iqembu lakhe likhangelele impumela enhle ikakhulu kuChampions League.

“Njengawo wonke amaqembu, sadlalela ukunqoba njalo sikufuna kuyo yonke imidlalo. Umbono wethu uphambili, yikuphumelela.

Umsekeli kaMapeza uLizwe Sweswe uzizwa laye endiza emayezini.

“Akukhulumeki. Sekwenzakele futhi. Sibonga uNkulunkulu ngesenzo esihle kanje.”

SIMILAR ARTICLES

NO COMMENTS

Leave a Reply