Ikhona indawo yeCity

22 Nov, 2018 - 00:11 0 Views
Ikhona indawo yeCity

uMthunywa

Yintatheli kaMthunywa
IBULAWAYO City isiyehlise umoya ngemva kokuthi iqembu leBulawayo Chiefs ligcine indawo kuligi yeCastle Lager.

Iqembu leBulawayo City lifuna ukuthenga indawo ebanjwe yiChiefs kuligi le ngesizini ezayo. Loba izikhulu zeqembu lekhansili zingafuni ukuveza lokhu, uMthunywa uphethe udletshana lokuthi loludaba lusegudwini emahofisini ekhansili.

Kubikwa sekuhlekelwa esikhewini ekhansilini ngoba sekumgceke ukuthi iqembu lizabuyela kuPSL. Abafakazi abangena kumihlangano yamaqembu la womabili bakuveza mhlophe ukuba sekuseduzane ukumenyezelwa kokuthengwa kwe-Chiefs.

“Akubuyelwa emuva. Iqembu lethu leBulawayo City lizathenga indawo yeBulawayo Chiefs. Amakhansila ayakuvuma lokhu ngakho kusalindwe ukuthi kwenziwe umhlangano omkhulu lapho okuzamenyezelwa konke lokhu. Njengoba sekusobala ukuthi indawo ikhona, akula okulindiweyo,” kubika omunye wamakhansila amatsha.

Bekungenzeka ukuthi atshabalale amaphupho eCity aluba iChiefs yehluleke ukugcina indawo.
Ngempelaviki iChiefs inqontshwe 3-2 ezandleni zeHighlanders kodwa yancedwa yikuxega kwe-Nichrut eTriangle.

IBulawayo City iliqembu lekhansili njalo kuyaziwa ukuthi iqhuba inhlelo zayo ngokusebenzisa ingxenye thile yemali ephuma kuzakhamizi.

Ngeviki eledluleyo, omunye wabafakazi baloludaba banengi abafakazi abangokhansila ababika ukuba izikhulu zamaqembu la ziphakathi kokukhulumisana ngesisindo semali efunakalayo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds