uMthunywa
Intatheli kaMthunywa
KUSUKELA ngeSonto idolobho lakoBulawayo lizakuba semlonyeni womhlaba wonke ngokuqhutshwa komqhudelwano wekhilikithi owe-ICC World Cup qualifiers enkundleni yeQueens.
Amazwe ayisitshiyagalombili asekhona koNtuthu elande ukuzoncintisela ukungena kunkezo yomhlaba le ezancintiselwa ngomnyaka ozayo. Kulumncintiswano okoBulawayo kuzadlala iZimbabwe, iNepal, iAfghanstan, iHong Kong leScotland.
NgeSonto abafana bakaStreak bangene enkundleni lesizwe seNapal. Kulumdlalo umdlali kuzwa uSean Williams uyabe engekho ngoba ulimele.
Kumdlalo olandelayo ama-Chevrons azadibana leHong Kong, andubana adlale leScotland mhlaka 12.
Enkundleni yeHarare kulePapua New Guinea, iUnited Arab Emirates, iIreland leNetherlands.
NgoLwesithathu iphephandaba likazulu lizwe ngomqeqetshi wesizwe uHeath Streak ukuthi ithimu isitshisekela ukudlala njalo abafana baledlabuzane ngoba basekhaya.
Iqembu lesizwe elibizwa ngokuthi ngama-Chevrons, laqala ukulungiselela umncintiswano we-ICC liphetsheya, kwathi ngenyanga edluleyo laphindela ukulolonga enkundleni zakoBulawayo. Okuzabaluleka kumidlalo le yikuqhuba kuhle kwama-Chevrons akhangelelwe ukuthi ayibambe intambo afinyelele umkhosi wenkezo yomhlaba.
UStreak ucele ukuthi abathandi bomdlalo baze ngobunengi babo.
“Siyazethemba ukuthi sizaqhuba kuhle. Kumele sinqobe imidlalo yonke. Okuqakathekileyo yikuthola usekelo lwabantu bakithi ngoba sisekhaya. Singanqoba imidlalo emine kumbe emithathu, kuzasincedisa ukuthi sisebenzise imiklomelo yethu sisiyaphambili. Kumele sinqobe yonke,” kutsho lumqeqetshi, owake wayidlalela iZimbabwe engukaputeni ngesikhathi isizwe sizatshisa kumdlalo wekhilikithi.
UStreak uthe okumenza abelethemba lokuthi uzanqoba yisimo senkundla yeQueens esivumela ukuthi abadlali badaye amabhola ikakhulu kuma-swing lama-seam.
Kusenjalo usodolobho wakoBulawayo kubikwa uzenza umcimbi wokwamukela amaqembu azancintisa kulelidolobho ngoLwesihlanu.
