IJoshua Mqabuko isungula i-phone controlled alarm

04 May, 2017 - 00:05 0 Views
IJoshua Mqabuko isungula i-phone controlled alarm UMnumzana Joel Mavugara echasisa ngokusebenza kwe-alamu elawulwa ngumakhalekhukhwini

uMthunywa

Thokozile Mbedzi
NGENJONGO yokuthuthukisa ezomnotho elizweni abafundi bekolitshi leJoshua Mqabuko  Polytechnic eGwanda sebesungule indlela yokuvikela ukutshontshwa kwempahla etshiyeneyo kusetshenziswa i-alamu elawulwa ngumakhalekhukhwini (phone-controlled alarm system).

Ekhuluma lentatheli kaMthunywa  kumbukiso osanda kuphela oweZimbabwe International Trade Fair, uMnumzana Joel Mavugara ongumbalisi wezifundo zeElectrical Power Engineering uthe njengekolitshi bazimisele ukuba bathuthukise ezomnotho kuleli yikho nje bebone kufanele ukuba impahla yonke ivikeleke kusetshenziswa i-alamu.

“Kuyisifiso sethu ukuba impahla zikazulu zilondolozeke ukuze umnotho uthuthuke. I-alamu le incedisa uzulu ukuba engatshontshelwa kungakho ingasetshenziswa ezindlini lakuzo zonke indawo.

“Kungaba lomuntu ohambayo eduzane lalapho ekhona okungaba ngamamitha angu-15 ihle ikhale loba umnikazi wendawo engekho,” kulandisa uMnu Mavugara.

Wengezelele wathi i-alamu le yenza abaseduze lalapho ekhala khona badingisise ukuthi kwenzakalani okwenza nxa kungamasela abanjwe lula.

“Ukuze umnotho welizwe uphumelele yikuba impahla lendawo zonke nje zokusebenzela zilondolozeke njalo lalokho okusetshenziweyo kugcinakale kuhle,” kulandisa uMnu Mavugara.

“Lezi insuku i-technology iyaphambili kungakho sibone ukuthi i-alamu le izancedisa uzulu ukuze enelise ukuyisebenzisa langefoni ngoba lanxa esesukile lapho ekhona ulakho ukusebenzisa ifoni ukuthi abeleqiniso lokuba iyasebenza kumbe ukuyilayitha nxa ethe walibala ukutshiya ekwenzile lokhu,” kutsho uMnu Mavugara.

UMnu Mavugara uphethe ngokuthi nxa elizweni impahla ivikelekile kuba labosomabhizimusi abanengi ababa lothando lokuvula amabhizimusi kuleyondawo okwenza lomnotho lawo uthuthuke ngamandla.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds