uMthunywa
Nkosilathi Sibanda
IZADLALA ekhaya njalo iFC Platinum kulimpelaviki lapho ezahlangana khona leqembu leHoroya eMagumeni kumdlalo wayo wesithathu kusigaba seligi yomkhankaso weCaf Champions League.
Izimbamgodi zisadinga ukunqoba kumidlalo yequla likaB kulumncintiswano kulandela ukuphetha ingutshiki lobhanqa leOrlando Pirates kowokuqala, yasinqotshwa 2-0 isendleleni phezulu kwe-Esperance Tunis eyeTunisia.
Umqeqetshi weFC Platinum uNorman Mapeza udinga ukuthi abuthe imiklomelo yonke kulumdlalo wangoMgqibelo ukuze afinyelele endaweni engcono kuleliqula.
Kuzamele leliqembu lidonsele ukunqoba njengoba kufuneka amaqembu amabili azaphetha ephezulu ukuthi aqhubekele phambili.
Kulumdlalo uMapeza uzafeza isethembiso sakhe ngabadlali bakhe abika ukuba baqinile njalo bawomele ukunqoba. Lumqeqetshi uthembise ngeledluleyo ukuthi bazabonakala bonke laba abadlali ukuthi bazimisele.
Omunye wabadlali beqembu leFC Platinum uRahman Kutsanzira ubike ukuba ulinde ngamehlo abomvu ukuthi ayetshibilika ngoMgqibelo.
UKutsanzira odlala esiswini senkundla ukhulume lephephandaba likazulu kuliviki ngesikhathi eqeda ukulolonga leqembu.
“Okuseleyo yikuthi sitshaye amaqembu aseleyo okuzwayo. Angeke sixege sesifike kulesi isibanga somncintiswano.”
Izimbamgodi zeFC Platinum zimela isizwe ngoba yizo ezanqoba inkezo yeCastle Lager ngo2018. Iqembu leli okwamanje lilolonga koBulawayo, lilungiselela ukuqala kumncintiswano.
Kusenjalo, isikhulumi se-FC Platinum uChido Chizondo uthe ngoLwesine emini bazaphindela Emagumeni belungiselela umdlalo.
Ucele abathandi bomdlalo koBulawayo ukuthi bagcwalise inkundla njengalokho abakwenza ngelanga bedibene leOrlando Pirates.
