uMthunywa
NguLucky Tshabalala
ILIGI yamabandla akoNtuthu iBulawayo Christian League isiqoqe umhlangano wokuhlolisisa ulwazi lwabaqeqetshi labokaputeni bamaqembu omdlalo webhola lokuqaga.
Izifundo lezi ziqoqwe yiBCL ibambene lenhlangananiso yeZimbabwe Netball Umpires Association.
Ekhuluma lephephandaba likazulu umabhalani wale inhlanganiso uFungai Mundofa uchaze ukuthi injongo yalomhlangano ibingeyokuhlolisisa abaqeqetshi labokaputeni njalo lokubafundisa imithetho yebhola lokuqaga eqakathekileyo.
“Injongo yalo umhlangano bekungeyokuhlolisisa abaqeqetshi labokaputeni bamaqembu omdlalo wokuqaga lowenguqu. Siphinde sabafundisa imithetho eqakathekileyo eyandise ukuphica abanengi kumidlalo le.”
Uqhubekele phambili wachaza ukuthi amalunga eZimbabwe Netball Umpires Association aphathise kakhulu ngokuphawula ulwazi.
Onompembe kuzwa abahlale phansi lamathimu eBCL nguSuku Mlalazi lo Lifaqane Nare.
“Inhlanganiso ye Zimbabwe Netball Umpires Association yiyo esinikeze usizo lokufundisa kulo umhlangano,”kuqhubeka uFungai Mundofa.
Uveze ukuqakatheka kwalo umhlangano lokuthi kuzayinceda njani iBCL.
“Lokhu kuzasisiza ekuthini iligi isiqala abaqeqetshi labokaputeni bazaqala ukuzwisisa ezinye izinqumo ezenziwa ngonompembe,” kutsho uFungai Mundofa.
Uphethe ngokuveza ukusuthiseka ngendlela lumhlangano ohambe ngayo ilaloba nje amaqembu engasabuyanga ngendlela akade bekhangelele ngayo.
“Umhlangano uhambe kuhle ngempela ilaloba amaqembu engasabuyanga ngendlela ebesikhangelele ngayo,” kuphetha uFungai Mundofa.
