uMthunywa
YiNtatheli kaMthunywa
LOWO owayedlalela iKaizer Chiefs uMark Williams ukholelwa ekutheni iqembu leli lidinga ukusayinisa abagadli abasezingeni lika oDidier Drogba, uLionel Messi loCristiano Ronaldo.
Amakhosi akuthola kunzima ukutshaya inethi kulisizini, njengoba umdlali ohamba phambili kubo kunguGustavo Paez olamabhola amathathu nje kuphela ngaphansi kwegama lakhe.
UWilliams ukholelwa ekutheni kuzoyisiza kakhulu ikilabhu ukusebenzisa iwindi lokuthengiselana abadlali ngoZibandlela ukuthola umgadli uzoyisiza.
Ukhulume lentatheli wabika ukuthi: “Eqenjini elikhulu njengeKaizer Chiefs, ibhola lezinyawo limnandi ngokufakwa kwabhola angena emanethini, abantu akumelanga bakhulume ngebhola elimnandi nje kuphela. Bazothi badlala ibhola elihle ikanti bahluleka ukutshaya inethi. Bayasala bexoxa ngokwakha amathuba, ikanti bahluleka ukuvalela amagoli.
“Yingakho-ke iqembu lethu lidinga abagadli, nxa besehluleka ukwenza lokho bangangitshayela ucingo bangicele ukuba ngifike ngizololonga abagadli.
“Ngicabanga ukuthi iqembu kumele lizame ukusayinisa okungenani uDrogba kumbe lingehluleka ukuthola uRonaldo loba uMessi — ungahleki, ngoba yikho lokho abakudingayo.
“Uma kukhona umgadli othanda ukungiphikisa, kaphumele sobala simbone efaka amabhola emambuleni kuyo yonke imidlalo.”
