IBinga ikhalela ukubonakala

13 Aug, 2015 - 09:08 0 Views

uMthunywa

YiNtatheli KaMthunywa
UKWANDA kwemincintiswano yomdlalo wenguqu eBinga sekutshengise ukuba abantu abanengi sebephatheka kulumdlalo njalo inkokheli zakulindawo lazo sezincedisa ukuze kuphunyeleliswe imidlalo le.

Omunye umqeqetshi okhulumisane lephephandaba likazulu kuliviki, uPride Sialumba, ubike ukuba abaphathi bakuleyo ndawo sebeqakathekisa imidlalo yenguqu ngokuncedisa ngezimali zokuthi kuqhutshwe limidlalo.

“Lapha eBinga sithanda ukubonga uDokotela uIsaac Ndebele ngosekelo asesinikeze lona ukuze siqhube imidlalo yethu yezenguqu.

“Inguqu iyadlalwa lapha eBinga njalo silamathimu amanengi afana labo Siabuwa United njalo adlalelwa ngabafana esibakhulisayo khonapha ezigabeni zethu,” kutsho uSiyalumba.

Kubikwa esabelweni seSiabuwa kuphela kulamathimu adlula alitshumi lambili adlala kuhle njalo azimisele lawo ukuthi azithuthukise ngezemidlalo yenguqu.

“Esikukhangeleleyo kuHulumende okwamanje yikuthi basiphathise ngokuthi sikhulise ezemidlalo yethu njalo abantwana bethu kabala mpahla zokugqoka, ezifana lama-boots kanye lamabhola okukhaba,” kutsho uSiyalumba.

Kuzwakale ukuba abafana abavela endaweni ezikhatshana ezibalisela iManjolo kanye lezinye bayabuya ukuzodlala ibhola nxa bengezwa nje ukuthi kulabanye abafana abalolongela imidlalo yenguqu.

“Thina sitshona sidlala imidlalo yokuqinisana loba nje kungelamali yokusithuthukisa njalo lokhu kwenza abafana bethu baqine,” kutsho uSiyalumba.

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds