IBHOLA EMUNTWINI

05 Jul, 2018 - 00:07 0 Views
IBHOLA EMUNTWINI UKudzai Bare

uMthunywa

NXA ilizwe obulisekela selidliwe kuWord Cup phenduka ekhaya ngoba iligi yeCastle Lager isiphendukile kukhefu layo lomnyaka.

Imidlalo iphendulela inkundla kusukela kulimpelaviki nanko inhlanganiso yePremier Soccer League isikhiphe uluhlu lwemidlalo ekhona.

Isikhulumi sePSL uKudzai Bare ugcizelele ukuba loba isizini isiphindela kusigaba sesibili, iwindi lokuthengiswa kwabadlali lokhe lisavuliwe kuze kuyefika ekupheleni kukaNtulikazi.

Okwenza imidlalo yalesisigaba sesizini ilindelwe ngabomvu yikuthi kuzabonakala ukuthi ngempela amaqembu alungiselele aphelela njalo nguphi othengiweyo.

Inkunzi zakoBulawayo iHighlanders ezihlezi kunombolo yesithupha ziqala umsebenzi zidibene leBlack Rhinos khonale eHarare.

Lamanje uMadinda Ndlovu umqeqetshi waleliqembu kakathengi ngitsho umdlali kodwa uphethe ekhala ngokuthi ithimu yakhe ibuthundu egedini.

IBulawayo Chiefs esikutule ingqwele zebhola ilubhekisa enkundleni yeYadah.

AmaGamecocks avula inkundla yesibili esemangweni leDynamos. Amakhosi wona azakwamukela eyasenkabazwe iChapungu.

Umdlalo ozadonsa amehlo njalo uzabukhona kumaviki amane alandelayo iDynamos isiphenduke eMagumeni ukuzodibana lesitha esidala iBosso.

Iqembu elidabuka enkabazwe edolobheni leShurugwi eleNichrut libiza iMutare City. Intshantshu zenkezo yeCastle Lager, iFC Platinum zisekhaya phezu kwabafana bamagetsi iZPC Kariba.

Kusenjalo, asekhona amaqembu okuzamele aqhubeke engasebenzisi inkundla yawo ngoba zingekho kusimo esifanele inguqu yebanga le-PSL.

IPSL ibike ukuba yona isilinde ukuthi imidlalo iqalise.

“Iligi yethu isiphendukile ngemva kwekhefu. Silethemba lokuthi amaqembu athole ukuphumula lesikhathi sokulungiselela ukuqalisa kwesigaba sesibili seligi yethu.”

Imidlalo yeviki lakuqala kusigaba sesibili seCastle Lager:

Black Rhinos v Highlanders , Chapungu v Bulawayo City , Dynamos v Chicken Inn , Triangle v Shabanie, Mutare City Rovers v Nichrut , Herentals v Ngezi Platinum, Yadah v Bulawayo Chiefs, Harare City v Caps United

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds