Ibhanga lePOSB kwezemidlalo

06 Sep, 2018 - 00:09 0 Views

uMthunywa

YiNtatheli kaMthunywa
IMINCINTISWANO yokugijima ilokhe isanda koBulawayo nanko phela abagijimayo kulelidolobho sebenxuswe kumjaho omutsha ongamakhilomitha alitshumi, owebhanga le-POSB.

Umjaho lo usuthole usekelo kuzakhamizi zakoBulawayo okubikwa sezitshengisele intshukuntshu yokugijima ngeSonto.

Inhloso yokugijima ngokutsho kwebhanga lePOSB yikukhuthaza abantu bakoBulawayo ukuthi banakelele imizimba yabo.

Kumbiko ethunyelwe lintatheli ivela kunhlanganiso ephethe umdlalo wokugijima koNtuthu eyeBulawayo Athletics Board (BAB), kubikwa umjaho uzasukela enkundleni yeBAC.

Isikhulumi seBAB uManuel Mpofu uthe kuzagijinywa i5km, 10km le-15km.

“Ibhanga lePOSB lizasungula umncintiswano wamakhilomitha alitshumi lanhlanu njalo kuzakuba le-10km kanye le5km yokugijima ngokuzithokozisa kungelamvuzo. Umjaho lo ngowobungane lokukholisa. Kulabanye abazazihambela nje okwamakhilomitha amahlanu ngenhloso yokudingela abaswelayo uncedo oluthile.

UMpofu usekhulume kabanzi ngobudlelwano obuhle abalabo lamabhizimusi asekela umdlalo wokugijima.

Uthe ukusungulwa kwemincintiswano enjengale kwenza kube lula ukuthi abagijimayo balolonge.

“Kuleli akula mincintiswano eminengi. Nxa kuqoqwa imijaho enje kuyasikhuthaza. Loba kungumjaho wokukholisa, abagijimayo bengawusebenzisa ukuthi bahlolisise isiqubu sabo lesikhathi abaqeda ngaso umango.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds