Uncategorized

Ibandla leZDRP lizimisele ukuthuthukisa uzulu

21 Jun, 2018 - 00:06 0 Views
Ibandla leZDRP lizimisele ukuthuthukisa uzulu

uMthunywa

YiNtatheli kaMthunywa
IBANDLA lezombusazwe elitsha elibizwa ngokuthi Zimbabwe Rainbow Democratic Party (ZRDP) likhangelele ukuthi linqobe kundawo ezinengi eMatabeleland North ngenhloso yokuqinisekisa ukuthi abantu bakulo umhlubulo welizwe bathole ukusizakala kanye lokuziphilisa kukho konke okwemvelo okungabalethela ukuziphilisa.

Okhokhela ibandla leli, uMnumzana Cuthbert Ncube uthe ibandla leZRDP liqakathekisa kakhulu ukuthuthukisa abantu beMatabeleland ikakhulu abe Lupane leNkayi.

Uthe nxa isikhathi sokhetho singafika abantu kumele bazi ukuthi kumqoka ukuthi bakhethe abameli abazavuselela umnotho welizwe.

Uthe kungumbono webandla lakhe ukuthi inotho esezabelweni zeMatabeleland iguqule impilo zabantu, iphinde inikeze intsha imisebenzi.

IZRDP ibunjwe ngomnyaka odluleyo njalo ingelinye lamabandla elizancintisa kukhetho oluzayo mhlaka 30 kuNtulikazi.

UMnu Ncube uthe ngaphandle kokuthi abantu bazisebenzele, angeke baguqula impilo zabo.

“Ibandla lethu likholwa kuNkulunkulu njalo singabantu abasebenzayo. Okumqoka kithi yikuphakamisa abantu bakithi. Inkuthazo yethu nje yikuthi abantu bakithi abafunde ukuzisebenzela bangalindi ukuzancediswa ngabanye abantu.

“Esikukhangeleleyo yikuphathisa abantu ukuthi baqale amaphurojekithi azaphakamisa umnotho wabo hatshi ukuhlalela izandla.

“Koze kube nini abantu bakithi belinda ukuphiwa. Isimo esikuso sidinga abameli abazakwenelisa ukufeza izithembiso abazenzayo hatshi abahlalela izandla,” kutsho uMnu Ncube.

UMnu Ncube ukhulume kakhulukazi ngokuthi abantu bahlale besazi ngamalungelo abo.

Uthe abasakhulayo kumele bakhuthazwe ukuphatheka kumisebenzi yezandla ethi ibandla labo lizimisele ukubaphathisa ngazo zonke indlela

“Manengi amabhizimusi angavuswa yikuphatheka kwezokulondolozwa kwemvelo. Kumele sibakhuthaze abasakhulayo lalabo abadinga imisebenzi ukuthi imisebenzi yezandla yiyo eqakathekileyo njalo ibandla lethu lizimisele ukuphathisa ngazo zonke indlela.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds