I-Old Mutual ikhweza umjaho

18 Jan, 2018 - 00:01 0 Views
I-Old Mutual ikhweza umjaho

uMthunywa

Nkosilathi Sibanda
INTSHANTSHU zokugijima imango emide edolobheni lakoBulawayo zivunyelwe ukutshaya impululu nanko phela umjaho we-Old Mutual Nkulumane usugijinyelwa umango ongange-21km.

Kuminyaka edluleyo umjaho lo ubuncintiselwa i-5km le-10km kuphela.

Inhlanganiso ephethe umdlalo wokugijima iBulawayo Athletics Board ibike ukuba iyajabula ngokuthi inkampani ye-Old Mutual izimisele ukuphakamisa umdlalo wokugijima edolobheni lakoNtuthu.

UManuel Mpofu umgcinisihlalo womdlalo wokugijima koNtuthu ubikele iphephandaba likazulu ukuba ngempela umjaho we-Nkulumane Old Mutual usuphezulu.

“Sekuzagijinywa le-21km kumjaho osekelwa yiOld Mutual. Siyakubongela lokhu.”

Uqhubeke wathi: “Inhloso ihlala ingeyokuthuthukisa umdlalo wethu, sinikeze labasakhulayo ithuba lokuthi bazibonakalise emphakathini, “ kutsho uMpofu.

Ukuqhutshwa kwemijaho emide koBulawayo kulumnyaka kutshintshe igiya. Leqembu leHighlanders libike ukuba lizakwenza umjaho walo wokuthakazelela ukufikisa kweqembu iminyaka engamatshumi ayisitshiya galo lunye lanye.

Eminye imijaho ekhangelelweyo iqala kulimpelaviki eLuveve laseMpopoma.

Kuzabuya njalo imijaho yezikolo lamakolitshi lePPC Zimbabwe Matopos 3-miler.

UMpofu uthe kungumbono wakhe ukuthi idolobho lenze imijaho eminengi okuyikho okuzavuselela lumdlalo, kuphakamise lesisindo sedolobho kubavakatshi.

Inengi labagijimayo abavela koBulawayo liyehluleka ukuphatheka emncintiswaneni ephezulu ngenxa yokuthi abenzi kahle.

Uluhlu lwemincintiswano olukhitshwe yiBulawayo Athletics Board luveza ukuthi ngomnyaka ozayo kuzagijinywa umnyaka uze uyephela.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds