I-Lockdown isilabalingisi abatsha

I-Lockdown isilabalingisi abatsha

0 86
UThembi Nyandeni omunye wabalingisi okuthiwa bazobonakala emdlalweni iLockdown kusizini yesithathu ezaqala mhlaka 9 Ntulikazi kuMzansi Magic

I-LOCKDOWN ngeSonto eledluleyo okumenyezelwe ukuthi izaba lomlingisi waphetsheya uTichina Arnold, izabophela izinkunzi eseziluvava ekulingiseni kusizini entsha ezaqala mhlaka 9 Ntulikazi.

Izolo iziphathimandla zesitetshi uMzansi Magic zimemezele amagama abalingisi abatsha abazobonakala kuyo. Phakathi kwabo kukhona uThembi Nyandeni umlingiswa wakhe uMinister Mazibuko, Mmabatho

Montsho (Phindi Mazibuko), Manaka Ranaka (Grace aka Zim Zim), Khulu Skejana (Mingus) loDineo Nchabeleng ozabe elingisa indawo ka-Azania.

UReneilwe Sema, inhloko yenhlelo kuMzansi Magic, uthe sebekubheke ngabomvu ukuqala komdlalo.
“Ukuzinikela kwethu ekukhombiseni izindaba ezifana lezizobonakala kulo umdlalo kutsho lukhulu kithi ngoba sikwazi ukukhombisa ngawo hayi eNingizimu Afrika kuphela kodwa lakwamanye amazwe ase-Afrika,” kutsho uReneilwe.

UReneilwe uthe iLockdown, ekhuluma ngabesifazane ababotshwe ejele laseThabazimbi, izaqhubeka lokukhulumisa abantu abazawubuka njalo ngoMvulo ntambama.

“Isiqephu sokucina saphela ngegiya eliphezulu uMonde (Zola Nombona) ebalekela ukusindisa impilo yakhe ngemva kokuthola amadayimane. Saphinde sabona uMaki (Linda Sebezo) loDeborah (Pamela Nomvete) bebhekane ngeziqu zamehlo ingxabano yabo yaze yafinyelela kwelinye izinga. Sikubheke ngabomvu ukuthi kuzoqhubeka kwenzekeni,” kutsho uReneilwe.

Uthe esiqetshini sokuqala kuzobonakala impilo kaBeauty lendodana yakhe uNjabulo (Mthunzi Ntoyi) ilenkinga ezehlukeneyo.

“UMonde kuzavela esevuka emzini wenyanga ezabe ilusizo kakhulu kuye. Ngenxa yokuthi ufuna ukuqala impilo yakhe kakutsha uMonde uthatha isinqumo sokuxhumana loSimon (Thabo Rametsi) akholelwa ukuthi uzamsiza ukuthi aphumelele,” kutsho uReneilwe.

Uthe enye indawo ezogqama ngekaTyson (Lorcia Cooper) ozabe esephumile ejele kodwa efuna ukuziphindiselela endodeni eyamehlisa isithunzi.

Uthe lendawo kaMazet (Dawn Thandeka King), ozolokhu emlandela njalo uSharon (Lindiwe Ndlovu) owabulala umuntu asondelene laye, izaqhubeka lokudonsa amehlo abantu.

SIMILAR ARTICLES

NO COMMENTS

Leave a Reply