uMthunywa
IDISTRUCTION Boyz ilethemba lokuthi impumelelo yabo izogqugquzela labanye. Leli qembu limemezele ukuthi i-albhamu yalo isithegise igolide (amakhophi angu-15 000).
Ngesikhathi ikhipha i-albhamu ethi Gqom Is The Future mhlaka 6 Mfumfu iDistruction Boyz, ebunjwe nguZipho “Goldmax” Mthembu loQuinton “Que” Mgobhozi, yaveza ukuthi ilephupho lokuthengisa igolide.
Yathi ifuna ukuthi i-albhamu yayo kube ngeyokuqala yegqom’ ukuthi ithengise amakhophi alesi sibalo.
Umaneja weqembu, uLindo Buthelezi, uthe babonga kakhulu abantu abathenge umculo wabo.
“Siyathemba ukuthi labanye bazobona ukuthi amaphupho ayafezeka. Nampa abantwana belokitshini abenze okungakaze kwenziwe. Lokhu kufana lokwenziwa nguBlack Coffee esenza iDVD yakhe loCassper Nyovest egcwalisa izinkundla,” kutsho uLindo.
Uthe umculo weDistruction Boyz ufike ngesikhathi igqom’ ingakandi kakhulu emsakazweni.
“Ifike yakutshintsha konke lokho futhi kuvuleke leminye iminyango ngitsho lase-Europe.”
Uthe manje into abayibhekile yikwehlukanisa umnyaka emisakazweni ehlukene. Unxuse abantu ukuthi babavotele.
Ngaphandle kwalokhu uthe zinengi inhlelo zokuthuthukisa iqembu abalazo.
“Angifuni ukuzichaza khathesi kodwa kunengi esikuhlelile lokuthuthukisa abanye. Isasasa liyaphela kodwa ngifuna ukwenza into enkulu ezokwenza ukuthi ngitsho ngabe abalayo ingoma etshisa izikhotha kodwa abantu bakhulume ngabo njengoCassper,” kutsho uLindo.
