uMthunywa
Yintatheli kaMthunywa
ZIHLALELE evalweni izakhamizi labosomabhizimusi beNyamandlovu nanko phela sokuvele ukuthi kulenyoka esihluphile ngokutshontsha ukudla kwabantu emizini kanye lasezitolo.
Linsindabaphenduli ivele kumaviki ambalwa edluleyo lapho izakhamizi ezibize otsikamutanda ukuthi bazokhipha inyoka le kodwa ngenxa yokuthi ilamandla esabekayo yabaphunyuka yabaleka.
UMthunywa uxhumane lesakhamuzi sakule ndawo uMnumzana Denny Moyo oveze ukuba balesimanga ngomhamba phansi lo.
“Ungabona umzila wakhona uqume emzini wakho uhle wazi ukuthi kukhona engabe ikuthethe yahamba lakho. Ukuthi uyibone kunzima ubona ngomzila kuphela isitshaye utshani yazihambela.
Otsikamutanda sabadinga sisithi bayikhuphe yabehlula emehlweni abantu bazama ukuyigijimisa bethi bayibulale yabaleka yabatshiya phinde bayibulale. Kulezinsuku izwakalela ezitolo yibo abakhala ngezinto ezibalisa otshukela, lesinkwa. Uchago lwempuphu lokunye iyathwala ayidlali.
“Ukuthi ikwenza njani asikwazi yikho okwenza abantu bacabangele ukuthi ilomnikazi,” kubika uMnu Moyo
Ekhuluma lentatheli uMnu Bulisani Dube uchaze ukuba inyoka le seyaguqisa osiyazi phansi
“Lokhe ngathwetshulwa yingwe inyoka ethwala ukudla ngiyayiqala ungayibona ubukhulu bayo uzathi ingaginya umuntu. Ngabona kukhona umnikazi oyithumayo ukuthi izokona njalo isithwalise nzima.
Osomabhizimusi bakhala ezimathonsi ukuthi ungavele ubone umzila wayo kuphela uhle wazi ukuthi isitshontshile.
“Ukuthi ukudla ikusa ngaphi akula okwaziyo lokuthi ihlala ngaphi kodwa ibhoda indawo yonke yeNyamandlovu ihamba ihlupha. Osiyazi sebazama ukuyithiya behluleka. Kulamalanga izwakalela ezitolo abanye sebelala behaze isawudo ukuthi ingaqumi khonapho kodwa iyadlula kuphela,” kuphetha uMnu Dube.
Imizamo yokukhuluma lokhansila wakulindawo uMumzana David Ndlovu yehlule n0goba ucingo lwakhe belungadojwa.
