Ezintsha ngoPOY, DJ Magetsie loDJ Wexey

Ezintsha ngoPOY, DJ Magetsie loDJ Wexey

0 144

Vusumuzi Ndlovu

Umculo wakoBulawayo ulokhe ukhula usiyaphambili mihla ngemihla, njalo kuyajabulisa ukubona abantu besebenzisa amathalenta abo ngendlela ethuthukisayo. Lamuhla sizathinta ngoDJ Magetsie weMzansi osesebenze ingoma loNovuyo SeaGirl, uPOY ngevidiyo yakhe esiphelele yasungulwa ebulenjini loDJ Wexey oseledlalade lakhe eliphumileyo.

UPOY useqede umsebenzi wevidiyo yengoma yakhe uBahle, ethembisa ukuba izadlalwa emsakazweni  kamabonakude wakuleli lasemazweni jikelele. Usebenze loRasquesity Keaitse okaDlala Ngamla ekuhleleni lokuqondiswa kwalividiyo. Ividiyo le ithakazelela ubuhle bentombi zakoBulawayo. UPOY uyabe esendaweni yokuzithokozisa yakoBulawayo elabanye bakhe bezidlela ubutsha lentombi zakoBulawayo. Abanye babantu ababonakala kulividiyo babalisela abaculi abehlukileyo abagoqela uMC Chita weHarare.  

UDJ Magetsie usesungule ingoma yakhe yesithathu eyohlobo lwe-house music, ehambisana loNovuyo SeaGirl kungoma ethiwa Poison. UDJ Magetsie udlala ingoma zakhe eBooth, Sandton eMzansi. UDesire Nyoni (Dj Magetsie) uqede ukuba kumthimba weBooth Fest lapho ahlangane khona lezinkulu ezidumileyo ezibalisela uWizkid  waseNigeria  labanye abanengi.

Kulingoma uMagetsie usebenzisa ubuciko bakhe bokudlala ingoma, loNovuyo laye wenza okufanayo ngamachacho akhe besebenzisana ukukhipha ingoma eyothando lomculo kuhlangene. Kuhle ukubona abaculi beMzansi besiba lothando lokusebenzisana labaculi beZimbabwe, okukhomba ukuba umculo wakithi ulakho ukuthuthuka ngezinga eliphezulu.

UDJ Wexey usesungule idlalade lakhe, uHumble Beginning. Lelidlalade lizaba yisibonelo sohambo lwakhe kulinkundla yomculo aze afike kulelizinga asekilo lokuzenzela umculo, kusukela ekusebenzeleni i-Afro Platinum ngo2014. UWexey usungula lelidlalade ezimele eyiMelowex Productions, uhlanganisa iHouse, Afro Pop le-hip-hop. Ingoma yokuqala ukusakazwa kudlalade leli ngeyeAfro Pop, ehlanganiswe lesiHindi nguntombazana uTey, oke waba eMalaysia lapho afundela khona lolulimi. UWexey uthi luntombazana mutsha kulinkundla kodwa ubona ikusasa elihle ngethalenta lakhe. UDJ Wexey kungoma le yothando u-Told Me, uhlanganisa uTRP, Native loK-West labo abafaka ubuciko babo lamagama begcwalisela ngothando kulintombi .

Siyabonga balandeli bephephandaba likazulu maviki wonke ngosekelo lwenu, lingakhathali lakusasa. 

SIMILAR ARTICLES

0 34

0 21

NO COMMENTS

Leave a Reply