. . . ufuna i$4 000 kuPlumtree Chiefs

YiNtatheli kaMthunywa
NGESIKHATHI abalandeli bomdlalo bezibuza ukuthi uNjabulo “Tshiki” Ncube ucatshe ngaphi, uMthunywa uvumbulule isikwamula senguqu lesi ezikwakweni zenkundla yePlumtree Chiefs.UTshiki ubelolonga leqembu leTjitji leli kumaviki amabili adluleyo.

Iphephandaba likazulu libika ngokugcweleyo ukuthi umdlali lo uzayidweba isayinetsha evume ukudlala lePlumtree Chiefs.

Ngokudingisa kutholakale ukuba uTshiki uhlose ukutshibilikela iPlumtree Chiefs ngoba ukhulumisane lenkokheli zayo.

Kubikwa ufuna i-$4 000 kodwa iPlumtree Chiefs ayingeke yenelise. Iqembu leli kuyaziwa ukuthi lidonsa nzima njengawo wonke ku-Division One.

UTshiki uvumile ukuthi omunye umcabango alawo yikungena kuPlumtree Chiefs.

“Akwethusi ukuthi ngiyidlalele iPlumtree Chiefs.”

“Imali engiyifunayo abalayo. Ngisaxoxisana labo, akwaziwa ukuthi kuzaphumani. Ngisakhona kunguqu, abalandeli bami bengakhohliswa yilutho.”

Umgadli lo usuke kuHighlanders ngesizini edluleyo kulandela ukungezwani labaqeqetshi kanye lenkokheli zethimu.

Ngenxa yalokhu, uTshiki ubesecabange ukuthi atshiyane lenguqu aqine ngokuqeqetsha.

UMthunywa wakubika ngoZibandlela ukuthi umdlali useqale izifundo zokuqeqetsha.

Ekhuluma ngokubonakala egijima lePlumtree Chiefs, uTshiki uthe injongo yakhe ngeyokuqinisa umzimba njalo acabangisise ngekusasa yakhe.

“Liqiniso sibili, ngilolonga lePlumtree Chiefs kulezinsuku. Ngikhethe iqembu leli ngoba ngifuna ukuqinisa umzimba.

Ngingumdlali wenguqu phela.”

Umdlali lo usebhode amaqembu amanengi kumaligi ka-Division One le-Premier Soccer League. Loba wasuka kuBosso ngesenzo esadanisa abasekeli balithimu, uTshiki ubeyibambile iBosso ngaphambili kwenkundla.

Okwenza wabayintandokazi yabaqeqetshi yikwenelisa ukuhlohla lokudlala ibhola elikhwabithekayo ngobuciko baphezulu.

Ngaphandle kokuncengisa kuPlumtree Chiefs, kubikwa uTshiki usafunwa ngamathimu akwele-Botswana lapho ake adlalela khona.

“Hatshi angiyindawo kulisizini ngoba ngingabe sengidlala okokucina. Nxa ngingadlala futhi, le kuzakuba yisizini ezabatshazwa ngumuntu wonke,” kutsho uTshiki.

Akhona njalo amaqembu akuligi ka-Division One alangazelela ukusebenza loTshiki.