uMthunywa
Thando Dube
KULOMUZI wakoNyoni eNkayi osuphenduke iSayilomu ngemva kokuba amantombazana amathathu esehlanya kulandela ukutshontsha impahla zikayise obhubhileyo.
Kubikwa lesisiga esingundabamlonyeni phakathi kwezakhamizi zeNgwaladi senzakale ngeviki ephelileyo lapho uMdutshwa Nyoni onguyise wamanina la, ebhubhe ngoMvulo.UMthunywa ukhulume lesakhumuzi sakuleyondawo esikhethe ukungabethwa ngegama sona esithe yisiga sibili esenzakale esigabeni sabo.
“Isiga lesi siqale kuviki ephelileyo ngemva kokubhubha kukaNyoni obeyisakhamuzi sakule indawo.
“NgoMvulo owedluleyo uNyoni wahamba wayanatha utshwala emzini kasobhuku uMnumzana Enock Ncube othe egida wasesiwa okwenza abantwana bakoNcube babopha inqola bamhambisa emzini wakhe, simangele ekuseni sokuthiwa kasekho.
“Ekuqoqweni kwempahla zikamuyi abantwabakhe abathathu abendileyo abavela emzini omncane bathatha ezinye impahla bazifihla.
“Ngelanga lomngcwabo uSakhile walanda uSobhuku uSteven Nkiwane wathi uyamthanda njalo yindoda yakhe waqala ukumvula ibhulugwe kodwa uMnu Nkiwane walwiswana laye. Kuthe ngesikhathi sokudliwa njalo uSakhile walanda njalo uMnu Nkiwane kukhanya esefuna ukumdlwengula balwisana okwamagama kwabamba abantu. Isimanga yikuthi wendile.
Esinye isakhamuzi esithe singuBrian Moyo sithe abakubona emngcwabeni kaNyoni kunzima.
“Mina ngamangala ngibona uThubelihle umntakaNyoni eseyisimungulu mina ngimazi ekhuluma, lalamuhla lokhu kakhulumi, phezulu kwalokho wenza izinto ezingazwisisekiyo futhi.
“USalim Nyoni yena usephambene ingqondo kusukela ngelanga lomngcwabo,” kutsho uMnu Moyo.
UMthunywa uphinde wakhulumisana lesakhamuzi esikhethe ukubizwa ngokuthi nguZulu othe umuyi vele ubegangile.
“Imbangela yokuhlanya kwamankazana la yikuthi uyise vele ubegangile. Lathi esigabeni khonapha besimesaba ngoba kubikwa ubelabondofa njalo esebenzisa imithi.
Imizamo yokukhuluma loSobhuku uSteven Nkiwane kumbe uSobhuku uEnock Ncube yehlule.
