uMthunywa
Arnold Ndlovu
ZIYATSHA ngoMgqibelo lapho abalandeli bomculi othandwa linengi uCassper Nyovest abazajayiva kuze kwephuke amaqolo kumcimbi wakhe ozakube ukhona eCity Hall car park.
Umculi lo uyakuthanda ukucula koBulawayo nanko phela kubikwa ecina ukuza la waveza ukuthi angakuthakazelela ukuphenduka edolobheni lamakhosi njalo.
Umhlabeleli lo kukhanya izikhathi zonke nxaa ebuyile kuye kuba likhono lokujabulisa abantu kwezomculo lokutshiya ethokozise abalandeli ngomculo, atshiye abalandeli bengakholwanga.
Okwenza uNyovest akhangelelwe kakhulu ngabalandeli yikuthi ekubuyeni kwakhe koBulawayo ubuya ephethe idlalade lakhe elitsha elivutha amalangabi alithwebule kuwonalo umnyaka.
Ekhuluma lephephandaba likazulu omunye wabaqoqa lumcimbi uBabongile Sikhonjwa uthe abantu abake bambona umhlabeleli labake bezwa ngaye bayazi ukuba uCassper yingcitshi kwezokuthokozisa.
“Umculi lo esimlethayo uyaziwa ukuthi nxa kusiza ekuthokoziseni uzulu kaphambanisi, wenza into yakhe ngobungcitshi obukhulu.
“I-City Hall car park besekuyi ndawo lapho eimcimbi ethile ebingaphumeleli khona kodwa ngokuza kuka Nyovest lokhu sizakutshintsha.
“Lumcimbi uhlelwe ngendlela elobuciko njalo kuzaqiniswa njalo ezokuvikeleka kwabantu kanye lokuthi imitshina ezasetshenziswa izakhipha umculo kungakho-ke engingakutsho yikuthi lumcimbi uyabe uhlukile,” kuphetha uSikhonjwa.
