Bakwenza abe-hockey

Bakwenza abe-hockey

0 68

YiNtatheli kaMthunywa
INHLANGANISO yeZimbabwe Olympic Committee (ZOC) isincome kabanzi ukuphumelela kweqembu lamantombazana omdlalo we-hockey ngokwenza kuhle kumincintiswano yesithathu eyeAfrica Youth Games eqhutshwe kwele-Algeria.

Amantombazana alumdlalo azamela isizwe kumidlalo yama-Youth Olympic Games (YOG) ngoMfumfu.

Umdlalo we-hockey ubalelwa phezulu kuleli ngoba amaqembu adlalela isizwe andise ukuphumelela emncintiswaneni yaphetsheya. Ukudlala kweqembu lamantombazana ku-Africa Youth Games kukhumbuze isizwe umnyaka ka-1980 lapho ama-Golden Girls aphenduka ekhaya elemendulo yeGolide kuma-Olympics.

Imidlalo yeAfrica Youth Games le incintiselwa ngabasakhulayo abaleminyaka yokuzalwa ephakathi kwetshumi lasithupha kusiya kutshumi lasitshiya galombili.

Amazwi wokukhuthaza leliqembu aphume ngemva kokuba iZimbabwe iqede ukuncintisa kumidlalo yase-Africa le lapho iqembu lithwele imendulo ezilitshumi, okuyikhona okujabulise inhlanganiso ephethe ezemidlalo. IZimbabwe ebilabadlali abangamatshumi amathathu lasikhombisa incintisane lamazwe aseAfrica kumidlalo eyisikhomisa.

Phakathi kwaleliqembu, imendulo zibuthwe kumdlalo we-rowing othole ezinhlanu. Iqula lamantombazana omdlalo we-hockey. Amazwe ancintise kumdlalo yabasakhulayo le abengamatshumi amahlanu lane.

Umaqhuzu weZOC, uAnna Mguni ubikele iphephandaba likazulu ukuba ukudlala kuhle okwenziwe ngabameli besizwe kube yisibonelo sokuba isizwe silakho ukwenza ngcono nxa kulosekelo olugcweleyo.

“Kuqakathekile ukuthi sijabule ngokudlala kweqembu lethu kumidlalo esanda kwedlula eyeAfrican Youth Games edolobheni le-Algiers. Besithumele iqembu elincinyane nxa siqathanisa lamanye amazwe. Kubadlali abanengi bekuyisiqalo kuphatheka kumncintiswano omkhulu njengowe-African Youth Games kodwa bafike bazibutha , benelisa ukunqoba.

“Abaqhubekele phambili ngokulolonga ngoba isasekhona imncintiswano ezafuna ukuthi bancintisele ukuthola imendulo zegolide.

“Okwamanje sesizaqala kutsha silungiselele imidlalo yama-Africa Youth Games elandelayo,” kutsho uMguni.
Kubikwa imidlalo yabasakhulayo be-Africa elandelayo izaqhutshelwa edolobheni leMaseru kwele Lesotho.

SIMILAR ARTICLES

NO COMMENTS

Leave a Reply