uMthunywa
KESIXOXE ngendlela yokuthuthukisa ulimi lwethu, lapho sidlala ngobunansi bolimi, kungabe sibhalala kumbe sizixoxela nje. Zikhona izifenqo zenkulumo esiyikhangela ngelithi yindlela engajayelekanga yokukhuluma eyenza lokho okukhulunywayo kubelamandla kuzwisiseke lula njalo kube yilokhu okuhlabusayo kolaleleyo.Izifenqo zenkulumo zibuya ngemihlobo etshiyeneyo.
Isifananiso kumbe isifaniso: Lapha sikhuluma, sifanisa izinto ezimbili ezitshiyeneyo njalo zingafanani.Okuqakathekileyo yikugcizelela lokho esiyabe sifisa ukukuveza ebantwini, okuyabe kugxile kuleyo ngxoxo.
Kesikhangele izibonelo: Uyise uSihle muhle okwelanga. Siyananzelela ukuthi ilanga lomuntu yizinto ezimbili ezingafananiyo kodwa zonke zilobuhle osebusondezwe ndawonye Isifaniso ke sona sisibona ngezakhi zokufanisa ezifana lo ,okwe, oko,njenge, njalo njalo.
Umhlobo wesibili kuzifenqo zethu.lihaba. Le ke yindlela yokukhuluma okomuntu oqamba amanga kodwa kungenjalo kuyindlela yokwenza lokho okukhulunywa ngakho kubelisisindo njalo kukholakale kulowo olaleleyo, njalo kuiyndlela yokukholisisa lowo olalaleleyo njalo.
Kesithathe isibonelo sehaba, uSipho mude uthinta amayezi, ngokweqiniso ngeke sithole kumbe sihlangane lomuntu omude okwalolohlobo okokuthi sengaze athinte amayezi, esikunanzelelayo yibude sibili obuzwayo. Umfana ugijime wazibulala kodwa bamncitsha umvuzo, kukhanya sengathi umuntu lo wafa ukufa kodwa sibuye sithi ngayiphi indlela nxa waze wayafika. kuthuba lomvuzo.Esikunanzelelayo yikuthi wayegijime ngamandla wagijima kakhulu sibili ngokuzimisela kwakhe konke.
