uMthunywa
Ophezulu Stinta
Kuviki edluleyo besiqondisana ngenkulumo ezithile lapho sinanzelela ukukhuluma okuqondileyo sichaza ukuthi ulutho oluthile alusahambanga ngendlela eqondileyo. Okunye esikunanzelelayo ngolimi lwenza inkulumo ibemfitshane, lutshaya ekhanda kanye kalubhodabhodi okwenza kumbe okuyinkuthazo ukuthi lapho sibhala indaba zokuzibumbela silusebenzise. Lunqanda ekwenzeni amaphutha athile ekubhaleni. Nanzi ezinye zempendulo obungaphuma lazo kulimi lweviki ephelileyo.
1. Inkomo izele insuku zayo zingekeneli ithole laphuma lifile sithi iphunzile.
2. Umuntu obethe uyahamba kasahambanga sithi uphuthile.
3. Obesidla kasasuthanga ngoba umisiwe inhliziyo yakhe yaze yabamnyama sithi wenyele inhliziyo.
4. Uchago esithi uzalunathisa umntwana selusuke lwaba ngamasi luvuthiwe.
5. Owesifazana ubelethe insuku zakhe zingakafiki umntwana waphuma efile sithi wonakele.
6. Umumbu awusakhulanga ngemfanelo ngenxa yokuswelakala kwezulu usuke waswaba.
7. Obekuphekile akusavuthwanga ngendlela yakho ngenxa yokuthi umlilo uke wacitsha kwenyele.
8. Umumbu ugecwe awaze waphekwa ngalelo langa uthe usuphekwa ngelilandelayo awabe usaba mnandi wabaduma sithi ubusuphuphile.
9. Izulu lize lithwele othekwane limnyama lithe tshu kodwa laselifika likhizakhiza lidlule.
10. Wahlanyela umumbu emhlabathini olamatshe waswela ukudla owaba usazala ngemfanelo sithi wafuba.
11. Ubepheke isitshebo sendumba walibala ukukhwezela umlilo azisavithwanga kuhle zisuke zenyela.
