uMthunywa
Silo Ophezulu Stinta
Kuleliviki sizaxoxa ngomhlobo othile wamabala. Amabala atsho izinto ezehlukeneyo lilinye. Kuqakathekile ukunanzelela inkulumo lapho lelo bala elisetshenziswa khona. Kuyadingeka ukucacisa lapho kumele wakhe umutsho okhomba ukuthi ibala lelo ngempela likhomba izinto ezehlukeneyo lona lilinye.
Nanzi izibonelo zamagama athile atsho izinto ezinengi lilinye.
1. Thela amanzi embizeni kumbe isigxingini, thela itswayi esitshebeni, thela umquba esivandeni
2. Lahla isihlobo esibhubhileyo, lahla imikhuba emibi, lahla ingcekeza egodini
3. Geza umzimba lapho usungcolile, geza lo othe uyaloya, geza inhliziyo ulibale lowo ongasakuthandiyo
4. Khetha amathole angalali labonina, khetha obathandayo kube yibo obanika impahla, khetha uDube kube nguye usobhuku
5. Khala isililo lapho utshiywe yisihlobo, khala umsindo wechachu abantu belalele
6. Khuleka lapho sibonga kumbe sicela, khuleka ukubopha ithole ukuze lingafohli, khuleka nxa ufika emzini wenye indoda
Sebenzisa amagama angaphezulu wakhe imitsho eveza ngokucacileyo ukuthi ibala lilinye litsho izinto ezitshiyeneyo
