uMthunywa
Silo Ophezulu Stinta
Sisakhangela isifuyo sethu esiyiso esenza umuzi uphelele. Kuleliviki sizake sixoxe ngendlela ezitshiyeneyo abantu ikakhulu abesilisa ababethola ngazo inkomo lezi. Kunengi okwakusenziwa ukuze indoda izithole inkomo layo iqinisa umuzi wayo ukuze ingadelelwa. Nanzi ke ezinye indlela ababethola ngazo inkomo lezi.
a) Ezelifa; lezi nkomo yingxenye umuntu ayeyithola ngemva kokufelwa nguyise. Ekadeni zaziphiwa abesilisa kuphela kodwa kulamalanga labesifazane labo sebeziphiwa nxa kuthe umzali wabhubha.
b) Inkomo zamalobolo; owesilisa wayelobolisa abantwabakhe abangamantombazana athole inkomo. Kwesinye owesilisa wayelobolisa odadewabo enguye omdala inkomo zihle zibe ngezakhe
c) Inkomo zomhambo: Lapha kukhangelwa izinto ezitshiyeneyo ezinengi ezenziwa ngowesilisa ukuze athole inkomo njengalokhu
i) Ukwelapha lapha umuntu owazi izihlahla wayenceda abagulayo bambhadale ke ngenkomo yena ayifake esibayeni kube yikwanda kwazo.
ii) Ukubaza abesilisa bazingcitshi ekubazeni impahla ezehlukeneyo babebazela labo abangenelisiyo kube yindlela yokuthola imbhadalo yenkomo leyo.
Kulezinsuku uyananzelela labafanyana abancane bayaqatshwa ukwelusa babhadalwe ngazo inkomo, bazibone sebelesibaya
